Rewşa parêzgeha Idlibê ji aliyê berpirsên Hevbendiya Niştimanî ya hêzên şoreş û rikberiya Sûriyê di hevdînekê de bi riya peywendiyeke telviziyonî ya taybet ligel serkirdeyên encûmena xwecihî û nûnerên çalakiyên sivîl hate gengeşekirin.
Û herwiha rewşa meydanî ya li parêzgeha Idlibê hat gengeşekirin, û têde rewşa dezgehên sivîl û bergiriya sivîl û navendên pizîşkî ket rojevê nemaze piştî armanckirina wan ya rêbazkî ji aliyê firokên Rijêmê û Rûsiya.
Şirovekirunek li ser rewşa siyasî û dumahîk pêşhatên navdewletî li hember kêşeya Sûriyê ji aliyê endamên Hevbendiya Niştimanî ve hate pêşkêşkirin.
Yasir Elferhan, endamê desteya siyasî ya Hevbendiya Niştimanî tekez kir ku hêzên şoreşê ticarî hewlên hevalbendên Rijêmê yên ji bo ferzkirina lênêrîna xwe ya derbarê çareseriya siyasî li Sûriyê û hiştina rejêma Esed erê nakin.
Navhatî cext kir ku hikûmeta demkî nûnerê rewa yê opozisyona Sûrî yê bi tenê ye, û zêdetir got ku “ew baskê cêbicêkrinê yê opozisyona Sûriyê li sercem navçeyên rizgarkirî ye“.
Riyad Elhesen endamê Hevbendiya Niştimanî ji aliyê xwe ve dupat kir ku encûmena xwecihî ya parêzgeha Idlibê ew nûnerê hikûmeta demkî ye. û got ku piştgiriya wê ji aliyê Hevbendiya Niştimanî ve dibe ji bo bi erkê xwe yê rêvebirina bajêr rabe.
Jêder: Ofîsa Ragihandina Hevbendiya Niştimanî
