Hevbendiya Niştimanî ya hêzên şoreş û rikberiya Sûriyê tekez kir ku sercem binpêkirinên dibin ji aliyê Rijêmê û hevalbendên wê li ser agirbestê, bi awayekî yekcar bi şêweyê êrîşan e; ku ev yek helwesta wan ya rasteqîn li hember agirbestê diyar dike, ku wê bikartînin bi armanca berdewamiya kuştin û dorpêçkirin û kontrolkirinê, û bal kişand ku ev yek “erkên zêdetir têxe li ser milên aliyên gerantîkarên agirbestê”.
Hevbendiyê îro di daxuyaniyekê de diyar kir ku gund û bajarokên navçeya Ellicat li gundewarê Der’a rastî topbarandinek dijwar tên bi çekên giran ji aliyê hêzên Rijêmê û milîsên wê, û kuştî û birîndar lê ketine û bidehên sivîlan di nav wan de hene, û diyar kir ku hêzên Rijêmê bajarokê “Mihicê” dorpêç dike ku nêzîkî 30 hezar kesî têde dijîn.
Hevbendiyê bal kişand ku navçeya Izre’h bi dehên rokêtan ji fewcê topxaneyê tê bombebarankirin, û herwiha gundên Elmicêdîl û Sor û Kom Elriman û Cedel û Cinîn û Elzibayîr û Elbilanê ji Tilcibab û rêbenda Elmicbil tên bombebarankirin, û koçberbûna gelek ji miletê wan deveran hat dîtin.
Hevbendiya Niştimanî binpêkirinên berdewam yên li ser rêkeftina agirbestê ji aliyê hêzên rijêmê û milîsên wê şermezar kirin, û ji aliyên gerantîkarên agirbestê daxwaz kir ku bi berpirsyaretiya xwe rabin, û herwiha hişyarî da ji encamên oparesyona li dijî navçeya Ellicat ya ku têde nêzîkî 80 hezar kesî ji sivîl û koçberan dijîn, hevdem ku xelkê navçeyê ji aliyekî li dijî Rijêmê radiwestin û li aliyekî din li dijî êrîşên rêxistina “DAIŞ”a terorîst.
Herwiha Hevbendiyê tekez kir ku jiyana sivîlan li Ellicat rastî gefên rasteqîne dibe, û hemû aliyên navdewletî dibîne berpirsyar, nemaze ku metirsî ji bikaranîna topbarandina bitewşî ji aliyê Rijêmê ve heye, û bikaranîna çekên qedexekirî li deverên asê yên ku serbasbûna wan dijwar e.
Jêder: Nivîsîngeha Ragihandina Hevbendiya Niştimaniya Sûriyê
