Şandek ji Hevbendiya Niştimanî ya Sûrî bi Serokatiya Emîndarê Giştî D. Heysem Rehmê, sardana Baregeha Hikûmeta Sûrî ya Demkî li bajarê Ezazê yê gundewarê Helebê kir, daku rêvebirina kar bişopîne, û bi Hikûmetê re beşdariyê di civatên li gel rûsipiyên deverên rizgarkirî bike.
Û Şandê Hevbendiyê ji endamên Desteya Siyasî ya Hevbendiyê D. Bedir camûs, Haşim Eletasî û Mihemed Qedah û endamên Desteya Giştî Necîb Rehmon û Ehmed Şihadî pêk dihat.
Û di hevdîtinê de, Serokê Hikûmeta Sûrî ya Demkî Ebdilrihman Mustefa û Wezîrê Dadê Ebdellah Ebdilselam û Wezîrê Tenduristiyê Meram Elşêx û wezîrê rêvebirina xwecihî Mihemed Seîd Sulêman û rûsipiyên deverên rizgarkirî amade bûn.
Û amadebûyan rewşa xizmetkariyê li deverên rizgarkirî û ketwarê xebatên hikûmeta demkî û karê wezaretan gengeşe kirin, û tevayan tekezî li ser pêwîstiya berdewamiya kar bo bilindkirina asta xizmetkariyan û çakkirina rêxistina rêvebirinê û debara jiyanê kirin.
Û Emîndarê Giştî yê Hevbendiya Niştimanî li ser pêwîstiya hevkarî û bizava bi hev re berve karê cidî û xebatên li deverên rizgarkirî pêş bixin axivî, û tekezî li ser rola rûspiyan di xutkirina pêwendiyan û pêkanîna ewlekariyê de kir, ew jî divê bi hevrêziya li gel Hikûmeta Sûrî ya Demkî û Hevbendiya Niştimanî be.
Û Rehmê şiroveyek pêşkêş kir, têde li ser pêşhatên pirosesa siyasî û Komîteya Destûrî ya Sûrî û astengiyên ku rastî şoreşa Sûrî tên di vî warî de axivî, û bal kişand ser giringiya pêşkêşkirina piştgiriyê bo pirosesa siyasî ji bo gihiştina çareya siyasî yaku dê daxwazên gelê Sûrî di azadî û rûmet û demoqrasiyê de pêk bîne.
Jêder: Ofîsa Ragihandinê ya Hevbendiya Niştimanî ya Sûrî
