Serokê Hevbendiya Niştimanî ya Sûrî Salim Elmislit û Endamê Desteya Siyasî Bedir Camûs, bi serdanekê bo encumena xwecihî ya bajarê Cerablus li gundewarê Helebê rabû, û hevdîtinek li gel endamên encumen û rûsipiyên bajêr û nûnerên çalakiyên sivîl û siyasî û xizmetkarî yên bajêr li dar xist.
Û amadebûyan rewşa nişteciyan li bajêr û pêdviyên çakkirina rewşa jiyanê û bilindkirina asta xizmetkariyan têde axivîn.
Û Elmislit tekez kir ku Hevbendiya Niştimanî bizavê bo çakkirina ketwar li deverên rizgarkirî û bihêzkirina Hikûmeta Sûrî ya Demkî dike, daku Hikûmet saziyên xwe ava bike û rêvebiriya deverê li gorî hêviyên sûriyan û bidawîanîna serdema stemkariyê bike.
Û li ser pirosesa çaksaziyê yaku Desteya Giştî biryar pê daye axivî, û tekez kir ku Hevbendiya Niştimanî bizavê bo gihiştina nûnertiya rasteqîn bo tevaya pêkhatên di hundir Desteya Giştî de dike, ji bo tevlêkirina xwînin nû û çalakkirina kar da di asta qurbaniyên gelê Sûriyê di pêkanîna azadî û rûmetê de be.
Ji aliyê xwe ve amadebûyan pirsa dawîtirîn pêşketinên di warê pirosesa siyasî de û bandora doseya kêşeya Okranya li ser doza Sûriyê kir.
Û tekezî li ser giringiya karê tevayî û himbizkirina şêwirdariyan kirin, daku bighêjin baştirîn nûnertîya pêkhat û deste û çalakiyên şoreşgerî di nava Hevbendiya Niştimanî de.
Jêder: Ofîsa Ragihandinê ya Hevbendiya Niştimanî ya Sûrî
