Hevbendiya Niştimanî ya Sûrî sifredaneke fitarê bo rûsipî û piledarên devera Babê û endamên Encûmena Şoreşgerên devera Babê bi boneya heyva rojiyê ya pîroz li dar xist, û amadebûyan piştî fitarê rewşa ewlehî, xizmetguzarî, aborî û tenduristî li deverê û pêşhatên piroseya siyasî di dosya Sûrî de gengeşe kirin.
Û di vexwendina bo Fitarê de Serokê Hevbendiya Niştimanî ya Sûrî Salim Elmislit, Sekretêrê Desteya Siyasî Ebdilmejîd Berekat û Hevrêzkarê Hevbendiyê li deverên rizgarkirî Necîb Rehmûn, her weha rûsipî û şêxên êlên deverê û hejmarek ji rayedarên tabûrên Artêşa Niştimanî û kesayetên siyasî û şoreşgerî amade bûn.
Û amadebûyan behsa berztirîn pirsgirêkên bajarê Babê ji aliyê xizmetguzarî ve, wek dosya avê û pirsgirêka ewlehiyê kirin, û li ser pirsgirêkên ku bazirgan û pîşesaz tûşî wan dibin axivîn, û cextî li ser pêwîstiya danûstandina bi pirensîpa pevguhartina bazirganî li gel Tirkiyê kirin, û ku netenê hawirdekirin be lê belê handana li ser hinartinê be, nemaze berhemên ku li deverên rizgarkirî tên berhemdan.
Û amadebûyan bal kişandin ser metirsiya bazirganiya keresteyên hişbir li ser deverê û pêwîstiya ku rê li pêş wê bazirganiyê di riya pirogramên hişyarkirinê re were girtin, her weha pêwîstiya jinavbirina diyardeya bêserûberiya çekhilgirtinê di hundir bajaran de, ji ger ku belavbûna çekan bi awayê bêserûber aştiya civakî dixe bin gefê de.
Her weha pêwîstiya dabînkirina xizmetguzariyan û beşdariya di çespandina aramiyê de, ji ber ku ev yek deverê di warê aborî de vejîn dike.
Jêder: Ofîsa Ragihandinê ya Hevbendiya Niştimanî ya Sûrî