Hevbendiya Niştimanî ya hêzên şoreş û rikberiya Sûriyê, bi helkefta derbasbûna çar salan di ser destpêkirina destêwerdana Rûsya ya leşkerî re, da zanîn ku êrîşkariya Rûsya li ser Sûriyê bû hokarek ji bo alozkirina rewşa Sûriyê û zêdebûna tawanan di derheqa welatiyan de.
Hevbendiya Niştimanî got ku bijardeya Rûsya ya li ser alîgiriya rejîma Esed li dijî daxwaz û mafên gelê Sûriyê, her ji destpêka şoreşa Sûrî ve, bijardeyek zelal bû, û bal kişand ku raportên mafên mirovan, serjimêrên berfireh ji amarên dagirkeriya Rusî re her ji yekemîn roj û heta niha pêşkêş dikin.
Hevbendiya Niştimanî diyar kir ku helwestên siyasî yên Rûsya û paşê destwerdana wê ya leşkerî ne tenê piştgiriya rejîmê bû, lê herwisa bû hokarek sereke ji hokarên alozkirina rewşa meydanî, û dergeh vekirin li pêşiya astên bêhempa ji koçberkirin û zêdegavî û tawankariyan re.
Hevbendiya Niştimanî got ku amar berpirsyariya dagîrkeriya Rûsya xuya dikin, di ber wêrankirina 201 dibistan, 190 xalên bijîjkî û 56 bazarên gelêrî bi kêmanî, ku herî kêm bûne sedema şehîdbûna 6,686 kesî, di nav de 1,928 zarok û 808 jin, tevî koçberkirina 3,3 milyon welatî, û dibe ku hejmara rastîn pir bêhtir be ji hejmara hatiye belgekirin.
Hevbendiya Niştimanî tekez kir ku Rûsya bi awayekî rasterast yan nerasterast bi dagîrkeriya xwe berpirsyar e di ber hemû tawanên Esed de bi rêya piştgiriya wî û pêşkêşkirina piştgiriya siyasî, dîplomasî û leşkerî, û tevî bikaranîna veto 13 caran bi awayekî sîstematîk ji bo parastina rejîmê û rêgirtina li her bizaveke navnetewî li dijî rejîma Esed.
Hevbendiya Niştimanî, careke din dubare kir ku civaka navdewletî berpirsiyar e, û divê ku mekanîzmayên guncayî peyda bike, da karibe rola xirab ya Rûsya û Iranê li deverê kêm bike, di nav de kareke aktivtir bi bikaranîna mîkanîzmên herî bibandor li dijî van aliyên êrîşkar.
Hevbendiya Niştimanî dîsa cext kir ku her hewlek cidî ji bo bidawîkirina karesata niha li ser erdê, divê bi biryarên pabendî pê heye ji bo rawestandina xwînrijandinê destpê bikin, û derî li pêş çareseriyek siyasî ya li ser bingeha biryara 2254 vekin, tevî pêkanîna tevaya daxuyaniya Cenêvê ya sala 2012’an.
Jêder: Ofîsa Ragihandina Hevbendiya Niştimanî ya Sûrî