Serokê Hevbendiya Niştimanî ya hêzên şoreş û rikberiya Sûriyê Enes Ele’bide û desteya siyasî ya Hevbendiyê, ligel rêxerê giştî yê Desteya Bilind Ya Danustandinan Riyad Hicab kom bûn, û di hevdîtinê de pêşhatên dawiyê li ser herdu astên siyasî û meydanî hatin gengeşekirin.
Herwiha di hevdîtinê de rêkeftina agirbestê ya duhî hatî emzekirin hat gengeşekirin, û destxweşî li bizavên Tirkiyê yên di rêka agirbestê de bûn hat kirin, û civînê tekezî li ser giringiya reftara erênî ya hêzên şoreş û opozisyonê ligel agirbestê kir.
Û amadebûyan daxwaza gemkirina hewlên rijêma Esed û Îranê û milîsên wê yên ji bo beravîtîkirina agirbestê dibin kirin, ku di heyamê 12 demjimêran de bêhtir ji 30 binpêkirinê hatiye tomarkirin nemaze li Wadî Bereda û li Xûta rojhilat.
Civînê tekezî li ser helwesta xwe ji bizavên dibin ji bona lidarxistina kongirekî li Kazaxistan kir, ew helwasta ku dibêje nabe ev kongir cihê Jinêv bigire, yan dervî sîbera NY de be, hevdem cext bête kirin li ser pabendiya bi daxuyaniya Jinêv1 û biryarên encûmena asayîşê, nemaze herdu biryarên 2218 û 2254, herwiha amadebûyan cext li ser yekîtiya nûnertiya hêzên şoreşê û opozisyonê bi rêka Desteya Bilind Ya Danustandinan kir.
Civînê rêz û hurmeta xwe arasteyî gelê Sûriyê yê qehreman kir, û destxweşî da xweragirî û berxwedana wî , ya ji bo berdewamiya şoreşê heta bidestxistina rûmet û azadiyê, ew armancên hatîn diyarkirin di xwepêşandên tevahiya Sûriyê de ji başûr heta bakur dibin dirûşma “şoreş me dike yek”de.
Jêder: Nivîsîngeha Ragihandina Hevbendiya Niştimaniya Sûriyê
