Endamên desteya siyasî ya Hevbendiya Niştimanî ya Hêzên Şoreşê û Rikberiya Sûriyê ligel nûnerên Rohîngayê civiyan. Rohînga ya li ser destê desthilata Miyanmar tawanên cengê lê pêk hatine, mîna tawanên rêjîma Esed û hevalbendên wê yên derheqê miletê Sûrî pêk tînin.
Ji aliyê Hevbendiyê cîgirê serok Ûqab Yihya û çend nûnerên desteya siyasî û birêz Mihemed Alem Yasîn serokê Navenda Rohîngî ya Cîhanî, û serokê komela Erakan ya mirovînî Ebdilehed Elerakanî aamade bûn
Herdu aliyan li ser xemsariya civaka navdewletî tekez kirin, ko bi erkê xwe bo parastina sivîlan ranabin, û wê hişt tundûtûjî pir bibe û tawan derheqê sivîlan de li cîhanê bêtir bibin.
Civîngeran destnîşan kirin ko kampaniyên qirkirinê derheqê miletê Sûrî û miletê Rohîngî hişt ko qeyranên mirovî bêtir bibin, û pêlên penaberiyê bilind bibin, û rawestandina wan pêlan bi helwesta civaka navdewletî ve girêdayî ye, ko biryarên navdewletî cîbicî bikin û kirdeyên tundûtûjiyê yên derheqê sivîlan rawestînin.
Herdu aliyan li hev kirin ko xebat û pêrabûnên yasayî yên navdewletî hevbeş bikin, tako civaka navdewletî agahdar bikin bi erkê wê, û bi taybetî pabendiya bi parastina aştiyê û ewlehiya navdewletî, û daxwaza pêşkêşkirina doznameyên yasayî ji dewletên ko li ser peymana Roma imze kirine kir, ji bo dadlêpirsînê digel yên tawanên cengê kirine bikin, û wan siza bibin.
Jêder: Ofêsa Ragehandinê ya Hevbendiya Niştimanî
