Hevbendiya Niştimanî ya Hêzên şoreş û rikberiya Sûriyê, da zanîn ku Vetoya Rûsya û Çînê ya duh li dijî projebiryara Belcîkî-Kuweytî li Encûmena Ewlehiyê hat bikaranîn, ji bo berdewambûna veşartina tawanên şer û yên dijemirov e, yên bi destê rejîma Esed dibin.
Hevbendiyê di daxuyanekê de got ku ev pêngava herdem dubare dibe, riftarek e siyasî ya cihê şermezarkirin û nerazîbûnê ye, nemaze ku ew di çarçoweya piştgiriya rasterast ya leşkerî de ye, ya ji hêla Rûsya ji rejîmê re pêşkêş dibe, û beşdarbûna wê di bombebarankirina sivîlan de û pêkanîna tawanên şer li dijî gelê Sûriyê û destêwerdana di karûbarên Sûriyê de, ta digehêje asta dargîrkariya rasterast ji Sûriyê re.
Hevbendiya Niştimanî dîsa got ku bikaranîna Veto ji aliyê sponsorên rejîma tawanbar ve, berpirsiyariyê ji ser milê civaka navdewletî li hember trajediya gelê Sûrî ranake, çi derbarê dosya tawanên şer be, yan derbarê karesata mirovî ya berdewam be, yan jî derbarê pirsa girtî û penaberan û tevî bi dehan dosyayên din ên hilwastî be.
Hevbendiya Niştimanî bang li aliyên kartêker dike ku berpirsiyariyên xwe pev re hilgirin û ji bo damezirandina mekanîzmek navnetewî bixebitin, da kuştin û tawanên li dijî gelê Sûriyê rawestin, û sepandina şert û mercên guncayî ji bo serxistina çareseriya siyasî li ser binemayê biryara 2254.
Tê zanîn ku Rusya û Çînê Veto bi kar anîn li dijî projebiryara Belçîkî-Kuweytî li Encûmena Ewlehiyê, ya ji bo daxwaza agirbestê û parastina sivîlan li ldlibê û derbaskirina alîkariyên mirovî û çareserkirina birîndaran û rêgirtin li dorpêçkirina taxen niştecîhan bû. Û ji destpêka şoreşa Sûriyê sala 2011’an ve ta niha, Rûsuya 13 caran “Veto” ji bo parastina Esed ji her biryarekê bi kar aniye.
Jêder: Ofîsa Ragihandinê ya Hevbendiya Niştimanî ya Sûrî