Serokê Hevbendiya Niştimanî ya Sûrî D. Nesir Elherîrî, bi serdanekê bo bajarên Serê Kaniyê li gundewarê Hesekê û bajarê Girê Sipî li gundewarê Reqayê rabû, û xebat û pirojeyên saziyên xizmetkarî û leşkerî têde temaşe kir, û rewşa xizmetkariyê û pêdviyên nişteciyan û debara jiyana wan şopand.
Û di serdanê de Cîgira Serok Ruba Hebûş û Emîndarê Giştî Ebdulbasit Ebdulletîf û Sekretêrê Desteya Siyasî Riyad Elhesen û Endamên Hevbendiyê Behcet Etasî û Yasir Elferhan û Ednan Rhmon û Mihemed Qedah havaltiya Serokê Hevbendiyê kirin.
Û serdanê bi temaşekirina ewlehiya dergeh û karê têde dibe dest pê kir, û Serok û Şandê pêre hevdîtinek bi rêvebirê dergeh re Fadî Elkati û kadroyên rêvebir yên di dergeh de dixebitin lidar xist, û bi wan re rewşa dergeh û tevgera bazirganî û xizmetkariyên ji welatiyan re têne pêşkêşkirin gengeşe kirin.
Û Serokê Hevbendiya Niştimanî û şandê pêre pişt re serdana Feyleqa Sêyemîn ya Artêşa Niştimanî ya Sûrî ya li bajarê Girê Sipî kirin, û Elherîrî li ser xurtkirina karê Hevbendiyê li deverên rizgarkirî û gerên wê yên berdewam li deverê bo çakkirina ketwarê ewlekariyê û piştgiriya Hikûmeta Sûrî ya Demkî û bilindkirina asta xizmetkariyan axivî.
Û Elherîrî tekezî li ser pêwîstiya karkirina bo dabînkirina ewlehî û aramiyê û çakkirina rewşa jiyanê li deverên rizgarkirî û handana li ser vegera hemû derbideran bo xak û xaniyên wan kir.
Û şandê serdana encûmena Girê Sipî kir, û hevdîtin bi Serokê Encûmen Waêl Elhemdo û Emîndarê Giştî yê Encûmen û hejmarek ji endamên cîbicîkar yên Encûmen re li dar xist, û bi wan re rewşa deverê û ketwarê xizmetkariyê li Girê Sipî û pirojeyên ku Encûmen pê radibe bo dabînkirina pêdviyên nişteciyên deverê gengeşe kirin.
Û Elherîrî tekezî li ser giringiya çakkirina karê rêxistinî û rêvebirî û xizmetkariyê û jêrxaneya bajêr kir, û got ku danîna pirogramên geşepêdanê yên guncaw bo deverê ew ê di çakkirina rewşa jiyanê ya nişteciyan de alîkar be.
Jêder: Ofîsa Ragihandinê ya Hevbendiya Niştimanî ya Sûrî
