Hevbdndiya Niştimanî ya hêzên şoreş û rikberiya Sûriyê, pesnê xweragiriya şervanên Artêşa Azad da li beramber operasyonên leşkerî yên rejîma Esed û Rûsyayê, her ji 26’ê nîsana borî ve, û da zanîn ku ev berxwedan roleke wê ya girîng di çareseriya siyasî û riya şoreşê de heye ji bo bidestveanîna daxwazên gelê Sûriyê û bidestxistina azadî û rûmeta wî.
Hevbendiya Niştimanî di daxuyaniyekê de, bal kişand ku hêzên artêşa azad karîne li ser qada şer “destkeftek nû” bidestve bînin, û rê li pêşiya her pêşketineke hêzên rejîmê û milîsên terorîst li deverên bakurê Hemayê bigirin, û da zanîn ku ev destkeft wek tekezkirinekê li ser şiyanên xwe yên xweragiriyê tên, “ji bo bersiveke tund be li beramberî stratejiya yekalîkirina leşkerî ya rêjîm û hevalbendên wê dixwazin bi xwînê ferz bikin, û hemû aliyên dixwazin vîna gelê Sûriyê bişkînin”.
Hevbendiya Niştimanî diyar kir ku tabûrên artêşa azad, berxwedan û çeperên xwe li gundewarê bakur-rojavayê Hemayê xurt kirine, û di dema çend demjimêrên borî de, bersiva êrîşên vajî yên ji aliyê hêzên rejîmê û milîsên Îranê yên xwedan cureyên cuda yên mertal û çekan dan, û ziyanên giran gihandin wan.
Hevbdndiya Niştimanî di daxuyaniya xwe de, “pesnê şervanên Artêşa Azad li eniyên cuda da”, û tekezî li ser girîngiya rola wan kir, ku ne bitenê ji bo parastina welatiyên sivîl û rêgirtina li ber rejîmê û hevalbendên wê ye, ji bo nehêlana pêkanîna planên wan, lê herwiha rola wê bandoreke rastyeqîn li ser rêya şoreşê jî heye, bi taybetî derbarê dupatkirina li ser pêdivî û girîngiya çareseriya siyasî, ji ber ew takerê ye bo çareseriyê.
Jêder: Ofisa Ragihandina Hevbendiya Niştimanî ya Sûrî
