Hevbendiya Niştimanî ya Sûrî xweşhaliya xwe bi biryara Encumena Mafên Mirovan di xola wê ya 51emîn de anî ziman, ya têde dîtiye ku Sûriya welatekî ne ewle ye û rijêma Esed di ber bidehezaran binçavkiriyên kotekî û kesên winda û girtiyan de li Sûriyê berpirsyar e.
Û biryara Encumenê rewşa tirsnak ya mafên mirovan li Sûriyê şermezar kir, û daxwaz ji rijêma Esed kir ku berpirsiyariya xwe derbarê parastina Sûriyan û rêzgirtin û parastina mafên mirovan, tevî yên girtiyan û malbatên wan, bi cih bîne.
Û Endamê Desteya Siyasî ya Hevbendiya Niştimanî Zuhêr Mihemed, got ku ev biryar di demeke giring û hestiyar de hat, û tekezî li ser pêwîstiya pabendbûna hemû dewletan bi naveroka wê kir, û rê li ber her proseyeke vegerandina penaberan bo rijêma Esed bigire.
Û Mihemed bang li civaka navdewletî kir ku bi cidî kar ji bo azadkirina girtiyan û eşkerekirina çarenivîsa kesên ku bi darê zorê li ser destê rijêma Esed binçav bûne bike, û tekez kir ku tawanên windakirina kotekî ji aliyê rijêma Esed û hevalbendên wê ve, beşek ji gelek tawanên rijêma Esed dijî gelê Sûriyê ye.
Û biryara Encûmena Mafên Mirovan, bal kişandibû ser pêwîstiya gihandina alîkariyên mirovî bê-astengî bo nêzîkî 14.6 milyon Sûriyên pêwîstiya wan bi alîkariyên mirovî heye, û bal kişand ser wê yekê ku heyama şeş heyvan ya ku di biryara Encûmena Ewlekariyê ya 2642 de ya ku di tîrmeha 2022an derketiye de hatiye, ya têkildarî alîkariyên mirovî yên di riya sînor re û ji aliyê Netewên Yekbûyî ve hatiye dayîn, li gor zêdebûna pêdiviyên mirovî dema wan kurt e û qebareya wan kêm e.
Û Biryarê daxwaz ji rijêma Esed kir ku mafên mirovan yên bo penaber û derbiderên navxweyî garantîkirî biparêze, nemaze yên li gor dîtinên Komîta Dadpirsînê di raporta xwe ya dawîn de gihiştiyê, û gotiye ku rijêmê jîngeheke ewle û aram ji bo vegerandina domdar û birûmet ya penaberan an derbiderên li hundirê Sûriyê garantî bike dabîn nekiriye.
Û Encumena Mafên Mirovan daxwaz ji rijêmê kir ku girtiyan û binçavkiriyên kotekî li Sûriyê serbest berde, û agahiyên hûrbîn û rast derbarê çarenivîs û cihê wan bide malbatên wan, û daxwaza sizakirina berpirsên di ber bikaranîna çekên kîmawî de li Sûriyê kir.
Jêder: Ofîsa Ragihandinê ya Hevbendiya Niştimanî ya Sûrî
