Hevbendiya Niştimanî ya Sûrî, xweşhaliya xwe bi yasaya rûbirûbûna bazirganiya Esed bi Kaptagonê ya ku ji aliyê Kongirêsa Amerîkî ve hatiye pesendkirin ji bo rawestandina berhemanîn û bazirganiya keresteyên hişbir û jihevxistina torên ku ji aliyê rijêma Esed ve li deverên di bin kontrola wê de tên rêvebirin anî ziman.
Û Hevbendiya Niştimanî di daxwiyaniyeke xwe ya derbarê projeya amerîkî ya rûbirûbûna madeyên Hişbir ên Rijêma Esed de, bi erênî li vê pêngava ji aliyê Amerîkayê ve û bandora wê li ser rijêma Esed nerî.
Û Hevbendiya Niştimanî hişyarî da ku rijêma Esed di salên bûrî de xwe sipartiye bazirganiya keresteyên hişbir wekî jêderekê bi milyarên Dolaran re ji bo reva ji sizayên aborî yên ku li ser hatine sepandin, û piştgiriya amûra xwe ya leşkerî ya ku Sûriyan dikuje dike.
Û daxwiyaniya Hevbendiya Niştimanî cextî li ser pêwîstiya rawestandina hemû çavkaniyên darayî yên rijêma Esed ji bo pêkanîna berjewendiya ji sizayan tê xwestin kir.
Û Hevbendiya Niştimanî bal kişand ser ku ji hemû cîhanê re hate çespandin ku rijêma Esed rijêma qirkirinê û nerewa ye û nûnertiya Sûriyan nake, û xwe dispêre kuştin, teror û keresteyên hişbir, û hevkariya rijêmên serkutkar û milîsên mezhebperest dike, ji bo kuştina Sûriyan û wêrankirina bajarên wan.
Û daxwiyaniya Hevbendiyê got ku ev rijêm bi ti awayî nayê vejandin û ne domandin nejî asayîkirin û bi çi rêyê û di bin çi bihaneyê de nêzîkbûn pêre nabe, ji ber ku çi cure ji cureyên piştgiriyê bo vê rijêmê tê wateya pejrandina tawanên wê û beşdariya di xerabtirkirina tirajîdiya Sûriyan de.
Û Hevbendiya Niştimanî bal kişand ser pêwîstiya bizavên navdewletî bo rizgarbûna ji rijêma Esed û sizakirina wê li ser tawanên kîmawî û bi hezaran tawanên ku bi hevalbendên xwe re ji sala 2011an ve pêk anîne, û rawestandina gefa wê ya cîhanî bi riya çêkirina Kaptagonê li deverên di bin kontirola wê de û belavkirina wê li seranserê cîhanê.
Jêder: Ofîsa Ragihandinê ya Hevbendiya Niştimanî ya Sûrî
