Endamê Desteya Siyasî ya Hevbendiya Niştimanî ya Hêzên Şoreş û Rikberiya Sûrî, Nazîr Hekîm, digel du xebatkarên fîlimê Sûrî ” Şikeft” civiya, berî ku berê xwe bidin Amerîka, da beşdariyê di pêşbirka xelata Oskar ya 2020an de ya beşê belgefîlman de bikin, li rex fîlmê sûrî yê bi navê ” Bo Sema”.
Tê zanîn ku herdû fîlim gihîştibûn nav lîsteya dawî ya pêşbirkê, ya ku ji pênc fîliman pêk tê, û ev cara yekemîn e ku du fîlimên Sûrî digihêjin nav lîsteya dawî ya fîlimên ku ji bo vê kategoriyê hatine destnîşankirin.
Û Hekîm tekezî li ser giringiya sînemageriyê, nemaze belgefîlman, di veguhastina tawanên ku ji aliyê rejima Esed û sponsorên wê ve li Sûrî hatine kirin kir, û beşdariya wan di festîvalên navdewletî de, û diyar kir ku ev kar tevaya cîhanê datîne pêşiya helweteke sincî, daku berpisyariya pêşkêşkirina arîkariyan bo gelê sûriyê hilgirin, ji bo daxwazên xwe yên azadî û rûmetê bidest bixîne.
Û bal kişand ser ku herdu fîlimên Sûrî, çi tiştê ku çêbûne û çi rûdide li tevahiya Sûriyê û yên herî dawî li bajarê Idlibê diyar dike, ew devera ku zêdetir ji 6 mîlyon Sûrî lê dijîn, di nav şert û mercên dijwar û bombebarana tund de ya ji zêdetir ji du heyvan de berdewam e.
Ji aliyê xwe ve Mohamed Khair Alşamî, yê ku yek ji xebatkarên berhemdana fîlima “Şikeft” e, piştrast kir ku serkeftina yek ji wan du fîlimên Sûrî yên ku hatine hilbijartin bo xelatkirinê, wek serkeftinekê ye ji doza gelê sûriyê re, û diyar kir ku gihîştina wan bo qonaxa dawîn wê gelek alîkar be di gihandin û belgekirina tiştê ku li Sûriye dibt, bi riya festîvalên navdewletî bo temaşevanên Ewropî, yên ku pirî caran rastiya tiştên ku li ser erdê diqewime ji wan tête veşartin.
Û derbarê zehmetiyên ku wan di kişandina filim û berhemkirina wî de dîtine, Alşamî diyar kir ku karê li ser fîlimê “Şikeft” zêdetir ji sê salan berdewam kir, û got ku jimara hemî katên wênekişandinê bêtir ji 500 demjimêrî bû, û ew li ser derhêneriya fîlimê ku nezêdetir ji katijmêr û nîvekê de xebitîn.
Û got ku tîma fîlm gelek zehmetî kişandin, ji ber ku yek ji wênegirên wê yê bi navê Amar Sulêman, birîndar bû, û lingê wî ji ber bombebaranê hate birîn, ew gulebarana ku bi ser tîmê de hatî berî ku herin cihê ku wêneyan lê bikişînin.
Tê zanîn ku Fîlimê “Şikeft” yê ku ji hêla Firas Fayad ve tê derhênankirin, behsa bijîşkeka zarokan navê wê “Amanî Belor” e û tîma ku pêre dixebite û dijwariya karê wan di birêvebirina nexweşxaneyek piçûk ya bi navê “Şikeft” dike, ya ku li jêrzemînê hatîye avakirin, da ku ji bombebaranê parastî be, û fîlim derdeseriya wê bijîşkê û tîma ku di hundirê nexweşxaneyê de dixebitin di dema dermankirina wan ji bihezaran birêndar re de, û têkiliyên wan bi gelek bûyerên dijwar re di dema tinebûna alavan û dorpêçkirina giran a li ser deverê diyar dike.
Û Dr. Amanî di van demên dawî de xelata “Wallenberg” ya ji hêla Encûmena Ewrûpa ve tête pêşkêşkirin wergirt, wek rêzgirtinekê jiber rola wê di warê mirovahî û rewşên awarte de.
Û Fîlmê duyemîn “Bo Sema” yê ku ji hêla qehremana fîlm bi xwe ya bi navê Weid Al Katîb û Edward Watts hatibû derhênankirin, Xelata Akademiya Fîlimê ya Brîtanî “BAFTA” ji bo belgefîlma herî baş wergirt, û gelek xelatên din jî di nav de xelata “Çavê Zêrîn” li Festîvala Fîlman a “Canê” û her weha xelatin din wergirtine.
Û bûyerên Fîlim li ser jiyana Waid û mêrê wê û keça wan ya biçûk e, û çawa ew li bajarê Helebê dijiyan û bo alîkariya mirovan bikin û tiştê dibe belge bikin dixebitîn, tevlî bombebaranên giran ji hêla Rusya û rejima Esed ve.
Û dê ragihandina xelatkirinê di merasîmek mezin de , li Los Angeles, ya Amerîka, roja yekşema were kirin, bi amadebûna hin ji derhênerên herî navdar û berz û stêrkên hunerî li cîhanê.
Jêder: Ofîsa Ragihandinê ya Hevbendiya Niştimanî ya Sûrî