Hevbendiya Niştimanî ya Hêzên Şoreşê û Rikberiya Sûriyê çend rûniştin ligel komek ragehênerên ji herêmên rizgarkirî evro sêşembê pêk anîn, ji bo gotûbêjkirina rewşa meydanî û bi taybetî ya Idlibê, her weha rawestana ser kampaniyên ragehandinê yên ku herdû alî Karin têde hevkariyê pevre bikin, ji bo dijîderketina li kampaniyên ragehandinê yên jirêbirinê yên rêjîma Esed û Rûsya yên li dijî şoreşa Sûriyê bikar tînin, û gengeşekirina dawîtirîn rewşên siyasî.
Di civînê de cîgirê serokê Hevbendiya Niştimanî Dîma Mûsa û razgirê desteya siyasî Riyad Elhesen û endamên desteya siyasî Mihemed Yihya Mektebî, Yasir Elferhan, Ebdela Gedo û endamê Hevbendiyê Sefwan Cendelî, û ji aliyê ragehêneran serokê yekîtiya ragehêneran li Helebê Emar Cabir, û endamê nivîsgeha cîbicîkirinê Samî Elrec, û endamê nivîsgeha cîbicîkirinê Derwêş Elsalih, û endamê nivîsgeha cîbicîkirinê Macid Ebdilnur û Ismaîl Elrec û ragehênerê acansa Sîqe û malpera International Mihemed Telhet beşdar bûn.
Herdu aliyan li ser berdewamkirina hevdîtinan û lidarxistina civîn û çalakiyin din li hev kirin, ragehêneran daxwaz kirin ko dikeke ragehênerî ya sereke bête avakirin tako xizmeta amancên şoreşa Sûriyê bike bi piştgiriya Hevbendiya Niştimanî ko ew nûnera rewa ya miletê Sûrî ye, û li ser giringiya derketina li himber kampaniyên jirêbirinê yên ko rêjîm û Rûsya serpereştiya wan li dijî şoreşa Sûriyê dikin, û gotin ku ew bi pirinsîbên şoreşê û mafê miletê Sûrî yên bidestxistina azadî û rûmetê û rizgarbûna ji desthilata dîktatorî pabend in.
Ragehêneran dîdevaniya xwe li ser tawanên cengê derheqê sivîlan pêşkêş kirin, dema ko karê xwe li nêv operasiyonên cengê yên ko rêjîma Esed û Rûsya ji nîsana bûrî ve serpereştiyan wan dikin, diyar kirin ko rewşa derbider û koçberan pir aloz e, û li ser rola Hevbendiya Niştimanî bo dabînkirina piştgiriya navdewletî tekez kirin.
Dîma Mûsa tawanên rêjîma Esed û hevalbendên wê pirotesto kirin, û bal kêşand ser ko Hevbendiya Niştimanî têkiliyên wê berdewam bi civaka navdewletî re hene tako agirbestê misoger bike û pabendî bi peymanên çêbûne bibe.
Destnîşan kir ko Hevbendî bi hemû şêweyan hewil dide ko dîsa aliyên piştgiriya derbider û koçberan dikirin, piştgiriyê li hemû herêman û bi taybetî tiştên bi rewşa tendiristî û bijêşkî têkile vegerînin.
Razgirê desteya siyasî Riyad Elhesen li ser karê Hevbendiyê û daxwazkirina wê ji encûmena ewlehiyê ji bo şopandina cîbecîkirina biryarên xwe û ya sereke 2139 û 2165 bo gihaştina karwanên mirovî axivî.
Û destnîşan kir ko desteya giştî ya Hevbendiya Niştimanî bawerî da damezirandina wezaretên desthilatê yên ku birêz Ebdilrehman Mistefa wezîrên wan pêşkêş kirin, û tekez kir ko dîtina desthilata Sûrî ya demkî ya nû giringî da birêveberiya sivîl û pêşkêşkirina baştirîn xizmetan ji herêmên rizgarkirî re, û ev dê bi şêweyekî erênî bandorê li hemû koçber û derbideran bike.
Û wek bersiv li ser pirsekê, Elhesen mandel kir ko çi gengeşe an axaftin li ser tevlîhevkirina Desthilata Sûrî ya Demkî û Desthilata Rizgarkirinê tune ye.
Jêder: Ofêsa Ragehandinê ya Hevbendiya Niştimanî
