Hevrêzkarê giştî yê Desteya danûstandinan Riyad Hicab, negeşbîniya xwe bi danûstandinên ko li Cinêvê çê dibin dako çareseriyeke siyasî ji Sûriyê re bibînin diyar kir û got, ji ber ko rêjîma Esed dizane çi çareseriya siyasî wateya wê têkçûna wî ye. Hem got ko Civaka Navdewletî ya ko nikare qotiyeke Şîr derbasî Herêmên dorpêçkirî bike, gelo ew dikare Beşar Elesed ji desthilatdariyê birûxîne?!
Di hevdîtinekê digel televizyona Elerebî doh got: ne ji mafê min e ko ez dest ji mafê gelê Sûriyê berdim, danûstandin ticarî li ser xwîna pir ya rijyayî nabe.
Hicab tekez kir ko Opozisyona Sûriyê di danûstandinan de pêş nakeve eger Desteya Desthilatdara veguhêz nedamezirîne. Destnîşan kir “dîtina me ji çareseriya siyasî re li gora daxuyaniya Cinêvê û Biryara 2254 ye, û sûr bû li ser ku gengeşe li Cinêvê li ser tiştekî bitenê ye ew jî damezirandina desteya desthilatdara veguhêz bêyî Esed û simbolên desthilata wî yên ko destê wan bi xwîna miletê Sûrî bûye.”
Hicab got: “ ji erkê me ye ko em biçin danûstandinên Cinêvê da em nûnerîtiya kêşeya rewa ya gelê Sûrî bikin. Destnîşan kir ko çûna Cinêvê ji bo misogerkirina daxwazên miletê Sûrî ye.
Hicab berdewam kir”xuya ye ko Emerîka bi Rûsya re li ser mijareke nediyar li hev kiriye, em naveroka wê nizanin.” bêtir got:”em ji nêzîkbûna Emerîkî-Rûsî natirsin lê ji nediyarbûnê û nezelaliyê di evan peywendiyan de ditirsin.”
Jêder: Hevbendî
