Rêkxerê Giştî yê Desteya Bala ya Danûstandinan Riyad Hicab tekezî li ser cîbicîkirina biryarên navdewletî kir û bi taybet bendên 12-13 ji biryara Encumena Ewlekariyê 2254 ya ku behsa warê mirovahî dike û Neteweyên Yekgirtî li ser tekez kiriye”.
Di kongereyekî rojnamevanî de Doh, Çarşemê li Londinê, Hicab got: ” Em li ser rakirina dorpêçê ji ser deverên dorpêçkirî û serbestberdana zindaniyan û gihiştina alîkariyan bo kesên hewcedar û rawestandina topbarankirinê li ser deverên sivîlan diaxivin,” herwiha divê berya çûna bo dema destnîşankirî tedbîrên pêwîst li ser zemînê bên cîbicîkirin“.
Hicab got“: Rûs û Îranî siyaseta zemîna şewitî bikar tînin, di rêya himbizkirina topbaranê bi awayekî tund, da ku bandorê li moralê şoreşgeran bike, û“ tiştê ku min ji serkirdeyên Artêşa Asad bihîst ku moralê wan bilind e. Û destkeftên rêjîma Esed li ser zemînê sist in û nikare parastina deverên ku kontrol kirine bike.
Hicabê ku serkêşiya Desteya Bala ya Danûstandinan dike, di serdaneke fermî de bo Brîtanyayê weha jî got” Di rojên bê de, hûnê serkeftinên fesyîleyên Şoreşa Sûriyê li dijî milîsên mezhebî bibînin û bibhîzin “, û diyar kir ku li cem Dijberiyê“ gelek bijarde hene“.
Ji aliyê xwe ve, Wezîrê Derve yê Brîtanya Philip Hammond piştî hevdîtina wî bi Rêkxerê Giştî yê Desteya Bala ya Danûstandinan û şanda pê re, tekez kir ku Rûsya û rêjîma Esed bi mebest Dijberên rijêmê dike armanc, û bi vê yekê DAIŞê bihêz dike, û da zanîn ku reftarên wan li dijî sivîlan û jêrxaneya sivîl tawanek dijî yasaya mirovî ya navdewletî ye.
Hammond tekezî li ser helwesta neguhêr ya Brîtanyayê derbarê operasyona siyasî bi serkêşiyeke Sûrî û pabendiya rasteqîne bi giftogoyên aştiyê yên bi serkêşiya Neteweyên Yekgirtî kir, ya ku riya tekane ye ji bo pêkanîna aştiyê ya ku gelê Sûriyê pir hewcedarî wê ye.
Hammond di dema hevdîtina wî bi Riyad Hicab re lê zêde kir û got:” Ez tekeziya xwe li ser piştevaniya Desteya Bala ya Danûstendinan dubare dikim. Û me li hev kir derbarê pêwîstiya bidawîanîna êş û azarên welatiyên Sûriyê bi awayekî bilez, û divê rêjîm û Rûsya dawiyê li êrîşên li ser sivîlan bînin, û pêwîstiya hêsankirina gihiştina aklîkariyên mirovahî bi awayekî temam bo deverên dorpêçkirî”.
Doh, êvara Çarşemê 74 kes li Sûriyê bûn qurbanî, di encama êrîşên Rûsya dagîrker de li ser deverên welatiyên sivîl, herwiha tawanên hêzên Esed û Pasdarên Îranî û milîsên Hizbula terorîst, ku di nava wan de 13 zarok û 3 jin hebûn.
Doh, roja Çarşemê Wezîrê Derve yê Erebistana Si’ûdî Adil Cubêr di kongreyekî rojnamevanî de ligel Selahedîn Mizwar ê Mexribî amaje bi wê yekê kir, ku hêzên bejayî yên Si’ûdî amadebûna xwe anî ziman bo şandina hêzên taybet bo Sûriyê heger Hevpeymaniya Navdewletî biryara belavkirna hêzê li Sûriyê bide,
Herwiha Cubêr tirsa Siûdiyê li ser parastina dezgehên Sûriyê tekez kir”,û di heman demê de da xuyakirin ku dê pilana “B” hebe heger operasyona siyasî biser nekeve, û Cibêr eşkerekirina hûrbîniyên wê planê red kir.
Jêder:Hevbendî+ Hin ajans
