Hikûmeta demekî ya Sûrî civînek lidar xist ji bo piştgiriya koçber û penaberên li kampên bakur, û kesên rewşa wan ya mirovî xirab ji ber ba û bagerên xurt li ser herêmê yên bûne sedemên şap û lehiyan.
Civîn di navenda hikûmetê de li bajarê Izazê li bakurê Helebê, bi beşdariya serokê hikûmeta demkî Cewad Abu Heteb, û nûnerên encumenên xwecihî û çalakiyên sivîl û hin rêxistinên xêrxwazî, û tevî Konseya Îslamî ya Sûriyê lidar ket.
Abu Heteb got ku civîn lidar dikeve di çarçoveya çalakiyên “kampanya piştgiriyê ligel mirovên me di kampên Sûriyê de” ji bo hevahengiya kar û damezrandina tîmekê ji bo piştgiriya kesên koçberên bi darê zorê yên di kampên bakur de dijîn.
Wî bal kişand ser ku “Qebarê karesatê li kampên li bakur mezin e”, û anî ziman ku pêdiviya vê yekê bi “hevkariya hemû aliyan heye ji bo serrastkirina tengaviyan û pêşkêşkirina alîkariya awarte ji bo hemû niştecîhên di kampan de, bi taybetî di vê seqaya pirsar de”.
Abu Heteb diyar kir ku hejmara malbatên di kampên bakur de dijîn, zêdetir ji 120 hezar malbatî ye, ku pêwîstiya wan bi arîkariya bi lezgînî ji Netewên Yekbûyî û saziyên navnetewî heye, ji bo alîkarî û saxbîrkirin û çakkirina kampan û vegera penaberan, û piştre danîna planeke berfireh ji bo çareseriya berdewam bi riya avakirina xaniyan ji bo jîyaneke hêjayî mirovan, û bal kişand ku qebarê pêdiviyan ji şiyanên hikûmetê û encumenên xwecihî mezintir e.
Hêjayê gotinê ye ku kampên koçber û penaberan li hundir û derveyî Sûriyê, rastî karesatê hatin ji encama seqayê xerab li ser herêmê.
Û li gorî jimarên tîma “kordînatorên hawarhatinê li bakurê Sûriyê” ku ziyan gihiştine zêdetir ji 17 kampan li deşta Idlib û Helebê ji ber lehî û baranên zêde.
Ziyanên cuda gihiştine kampan ji ber baran û lehiyan, ku hin konên penaberên kampan ketine li ber av û lehiyan û li hin kampan kon di bin heriyê de mane, û ev yek bûne sedem ku malbatan ji kampan ber deverên din de bar kirine.
Jêder: Ofîsa Ragihandina Hevbendiya Niştimanî ya Sûriyê
