Rêvebiriya Belgekirina Binpêkirinan û Mafên Mirovan di Hikûmeta Sûrî ya Demkî de, helbijartina rijêma Esed ya tawankar wek Cîgirê Serokê Kongirê Navdewletî yê Çavdêriya Zarokatiya Piçûk û Perwerdekirinê yê sala 2022an, yê ku ji aliyê UNESCO ve tê lidarxistin, şermezar kir, û tekez kir ku ev rêşûn dijberî kêmtirîn nirx û prensîbên mirovahiyê ye.
Û Rêvebiriyê duh di daxwiyaniyekê de got ku ew vê reftara neberpirsyane ya Rêxistina Navdewletî şermezar dike, ji ber ku gelê Sûriyê rastî tawanên herî hovane bi taybetî dijî zarokan ji sala 2011an ve li ser destê wê girpûpa çete û tawanbar hatiye, ew çeteyên zarok bombebaran kirine û di bin îşkencê de kuştine, û ji mafên wan ên herî biçûk di jiyan û perwerde û tenduristiyê û parastinê de weke zarokên din bêpar kirine.
Û daxwiyaniyê dît ku proseya hilbijartinê berovajî armancên kongirê bi xwe ye, nemaze di hewlên wê ji bo mafê her zarokekî di guhdana baş de, di dema ku rijêma Esed zarokên Sûriyê bêwar û sêwî kirine, û hiştin ku derdê xizanî û birçîbûn û nezaniyê bikşînin.
Û daxwiyaniya Rêveberiya Belgekirinan amaje bi wê yekê kir ku diviyabû rê li ber beşdarbûna vê rijêma terorîst di kongirê de bihata girtin, ne ku ji bo îsal wek Cîgirê Serokê Kongira Navdewletî ya Parastina Zarokan were hilbijartin.
Û Rêvebiriyê di daxwiyaniya xwe de tekez kir ku ev reftara ji hêla rêxistina navdewletî ve derhatiye, wek rewakirinê ji tawanên rijêmê re ye, û dît ku ew sivkatî ye bi xwîna zarokên Sûriyê, û daxwaza hilanîna rewayê ji ser rijêmê û derxistina wê ji hemû saziyên navdewletî kir.
Jêder: Ofîsa Ragihandinê ya Hevbendiya Niştimanî ya Sûrî