Hikûmeta Sûrî ya Demkî, rapora karên xwe pêşkêşî Desteya Giştî ya Hevbendiya Niştimanî ya Sûrî di civînên wê yên asayî yên xola 67an de kir.
Û Rapora Hikûmeta Demkî çalakî û projeyên ku di heyama dawî de li ser asta tenduristî, perwerde, xizmetguzarî û ewlehiyê pêk anîne, , her wiha serdanên meydanî û gerên ku Serokê Hikûmeta Sûrî ya Demkî Ebdulrihman Mustefa li deverên rizgarkirî ji bo dîtina projeyên herî dawî û rawestana li ser ketwarê deverê pêk anîne, berçav kirin.
Û Rapora Hikûmeta Sûrî ya Demkî biryarên ku li ser asta perwerde, xizmetguzarî û rêvebirî û karê Wezaret û dezgehan derxistine, pêşkêş kir, û diyar kir ku ev yek li gorî planên berê û guncav û li gorî pêşhatên ketwarê Sûriyê ye.
Û raporê kar û xebata herdû Wezaretan a Berevanî û ya Navxwe ji bo parastina xelkê deverên rizgarkirî û rûbirûbûna êrişên leşkerî û terorîstî yên rijêma Esed û hevalbendên wê û rêxistinên din ên terorîstî ji milîsên PYDe û PKKe, diyar kir.
Û raporê rêjeya geşepêdana aborî li deverên rizgarkirî û rêjeya enflasyonê û nîşana xerckirina mehane û orteya xerciya malbatan di heyvên nîsan, gulan û hezîranê de eşkere kir, her wiha amadekirina plansaziya karê çarmehane ji bo Wezareta Darayî û Aborî.
Û di raporê de behsa kar û xebatên Saziya Giştî ya Dexl û Dan û Rêveberiya Giştî ya Gumrikê hat kirin, û têde qebareya genimê di aşên saziyê de bûye ard û nirxê nan berçav bû, her wiha karê dergehên sînorî û qebareya hawirdekirin û hinartinê hatin nirxandin.
Û Desteya Werzîş û Ciwanan ya Hikûmeta Sûrî ya Demkî raportek li ser karê xwe pêşkêş kir, û têde kar û çalakiyên ku vê dawiyê ji bo birêxistinkirina karê ciwanan û werzîşê li deverên rizgarkirî pêk anîne, berçav kir.
Jêder: Ofîsa Ragihandinê ya Hevbendiya Niştimanî ya Sûrî
