Giropa Kar ji bo Filistîniyên Sûriyê, bûyerên kuştina bira, xwîşk û tevaya endamên hin malbatên filistînî di bin îşkenceyê de li navendên binçavkirinê û girtîgehên dezgehên ewlekarî yên rijêma Esed de eşkere kir.
Û Giropê anî ziman ku wêneyên qurbaniyên îşkenceyê yên ji Zîndanan derketine diyar kirin ku sê birayên hev ên bi navên: Amir Hemdan, Omer Hemdan û Samir Hemdan ên ji kampa Yermûkê di 28.04.2014an de jiyana xwe ji dest dan, û hersî xwişkên hev ên bi navên Hiyam Seide Eldîn û Ehlam Seid Eldîn û Emel Seid Eldîn ji kampa Elraml Elfilestînî di 30.03.2015an de jiyana xwe ji dest dan, û herdu birayayên hev Nidal Cîhad Sediye û Yamen Cîhad Sadiye yên ji kampa Yermûkê di roja 17.05.2013an de jiyana xwe ji dest dan, û herdu birayên hev ên bi navên Ehmed Ebdullah û Mihemed Ebdullah ji xelkê kampa Yermûkê di 28.04.2014an de di bin îşkenceyê de jiyana xwe ji dest dan.
Û Girûpa Kar amaje bi wê yekê kir ku Beraa Elebdullah û Aya Elebdullah ji gundewarê Şamê di 20.03.2015an de jiyana xwe ji dest dan, û herdu birayayên hev Edhem Elhesen û Bîlal Elhesen ên ji xelkê Şamê di 13/04/2015 jiyana xwe ji dest dan, û herdu birayên hev Şahir Fadil Şehade û Teysir Fadil Şehade di 10.08.2014 de jiyana xwe ji dest dan, û herdu birayên hev Mihemed Ebdul Hefîz û Mehmûd Ebdul Hefîz ji Şamê- Dumar di 22.01.2014an de jiyana xwe ji dest dan, û du birayîn hev ên dî jî di bin îşkenceyê de jiyana xwe ji dest dane ew jî: Îhsan Ebû Raşid di 05.12.2015an de û Îslam Ebû Raşid di 13.03.2013an de.
Û Girûpê kuştina 6 filistînyên birayên hev ji malbata Elzahir di bin îşkenceyê de bebelge kir, ew jî ev in: Xalid Elzahir, Basem Elzahir, Basil Elzahir, Nazih Elzahir, Loey Elzahir û Mihemed Elzahir, di 25ê Adara 2013an de dema ku herşeş bira ji mala xwe ya li devera Jdeidet Artouz ji hêla Şaxa Herêmê ya Îstîxbarata Leşkerî berî çend rojan ji ragihandina mirina wan hatibûn girtin.
Û Girûpê nav û agahiyên çar birayên filistînî ji heman malbatê yên ku di bin îşkenceyê de di girtîgehên rijêmê de hatine kuştin tomar kirin, ew jî ev in: Seyf Eldîn Aliyan Elî, Elî Aliyan Elî, Mihemed Xêr Elyan Elî û Îzedîn Mihemed Xêr Alyan Elî, yên ku di sala 2013an de hatibûn girtin, û malbatên wan piştî çend mehan ji binçavkirinê bi mirina wan di jêrzemînên îşkencekirinê yên îstixbarata Sûriyê de hatin agahdarkirin.
Û Girûpa Kar berî bi demekê navên 643 qurbaniyên penaberên filistînî yên ku di bin eşkenceyê de di girtîgehên rijêmê de mirine, belge kiribûn, her weha agahî û navên hejmarek ji malbat û xwişk û birayên ku heta niha di zindanên rijêmê de girtî ne, di dema ku Girûpê navên zêdetir ji 3,000 girtiyên Filistînî ji sala 2011 de belge kirine.
Jêder: Ofîsa Ragihandinê ya Hevbendiya Niştimanî ya Sûrî
