Hevrêzkarê Ofîsa Karûbarên Penaberan ya Hevbendiya Niştimanî ya Sûrî, Selîm Idrîs, dengê hişmendî û mantiqê li Libnanê yê ku parlemanterê Libnanî Eşref Rîfî aniye ziman, derbarê vegera penaberên Sûrî, û kesên hiştine ew ji bajar û gundên xwe li Sûriyê koçber bibin, bilind nirxand.
Û Idrîs got ku penaberên Sûrî yên ku niha li Libnanê dijîn, bûne qurbaniyên hevbendiya xerab di navbera milîsên mezhebî li Libnanê û rijêma Beşar Esed de, û amaje bi wê yekê kir ku eger hevkariya Hizbullahê bi wan kesên ku zordariyê li Sûriyê dikin, nebûya, û sûrî di hundir malên xwe de rojane rastî binpêkirinan ji aliyê hevalbendên rijêmê nehatibûna, wan dest ji malên xwe benedidan û berve Libnanê nediçûn.
Û Idrîs got ku eger Libnanî bi rastî dixwazin sûrî vegerin deverên xwe, divê fişareke rasteqîn li ser milîsên Hizbullah a terorîst û piştgirên wê bikin, da ku ji gund û deverên ku li Sûriyê dagîr kirine derkevin, û Idrîs bal kişand ser ku nayê aqilan ku hin hêzên Libnanî daxwaza vegerandina penaberên bêçek û bêpişt bikin, di dema ku deverên wan bi hêza çekan ji aliyê milîsên Hizbullah ve dagîrkirî ne.
Û ev yek piştî daxwiyaniyên Parlamenterê Libnanî Eşref Rifî, duh Çarşemê, hat, yên ku di wan de gotibû: “Ti Libnanî nîne ku vegera ewle û bêveger ya penaberên Sûriyê naxwaze, lê rijêma Esed û Hizbullah yên ku Sûrî ji xaka wan koçber kirine, û gundên wan dagîr kirine û wêran kirine, ew di ber berdewamiya bobelata penaberiyê de berpisyar in.”
Û Rîfî bal kişand ser ku “Divê Hizbullah ji gund û bajarokên Qisêr û Qelemon ên Sûriyê derkeve, da ku derbider vegerin ser axa xwe,” û Rifî got: “Divê civaka navdewletî alîkariya Libnanê bike di rêya vegera ewle ya Sûriyan re, û berxwedana ku gurkirinê çêdike, ew seriyê ku komployê saz dike ye,” li gorî derbirîna wî.
Jêder: Ofîsa Ragihandinê ya Hevbendiya Niştimanî ya Sûrî
