Endamê Desteya Siyasî ya Hevbendiya Niştimanî ya Sûrî Selîm Idrîs, tekez kir ku hejmara berfireh ya tawanên cengê yên rijêma Esed, di nav de bikaranîna bombeyên goşeyî ji deh salan de, hewcedarî liveke navdewletî ya cidî ye ji bo sizakirina kesên ev çekên qedexe li ser asta navdewletî bi kar anîne kir.
Û Idrîs ji civaka navdewletî xwest ku berpisyariyên xwe debarê gelê Sûriyê hilgire, û van komkujiyên rojane rawestîne, û hewldaneke cidî û kartêker û lezgîn bike, da ku veguhastina siyasî li Sûriyê li gorî biryara 2254 pêk were, û rijêma Esed li ser tawanên wê yên curbecur dermafê gelê Sûriyê siza bike.
Û Rewangeha Çekên Goşeyî di rapora xwe ya salane ya sala 2023an de, ya ku dema ji heyva tebaxa 2022an heta hezîrana 2023an li xwe digire, eşkere kir ku hêzên rijêma Esed ji sala 2012an heta sala 2020an bi awayekî berfireh bombeyên goşeyî bikar anîn.
Û Rapora Rewangehê ya ku duh Sêşemê hatiye weşandin, 1,172 qurbanî (kuştî û birîndar) bi bombeyên goşeyî di heyama ji tebaxa 2022an heta Hezîrana 2023an li heşt dewletan di nav wan de Sûriya tomar kir.
Û raporê anî ziman ku hêzên rijêmê bi piştgiriya leşkerî ya Rusya, di êrîşên li ser kampa Maram ya koçberên li nêzî Kefer Calis, û kampên din ên koçberan li Idlibê, di 6ê heyva mijdara 2022an de, bombeyên goşeyî bikar anîn, û di encamê de 8 sivîl hatin kuştin, û herî kêm 75 kes jî birîndar bûn.
Û Raporê tekez kir ku bombeyên goşeyî li 13 parêzgehên Sûriyê, ji hejmara 14 parêzgehan, hatine bikaranîn, û bal kişand ser ku bikaranîna wan di sala 2021an de piçekî kêm bibû, di dema ku bikaranîna di pey wê re bi bombeyên goşeyî di heyva mijdara 2022an de li kampên awareyan bû.
Û Raporê got ku di sala 2022an de, piraniya qurbaniyên bermayên bombeyên goşeyî li Iraq, Libnan, Sûriyê, Okrayna û Yemenê zarok bûn, û sivîl %94.5 (1,109) ji tevaya qurbaniyên ku di sala 2022an de hatine tomarkirine bûn.
Jêder: Ofîsa Ragihandinê ya Hevbendiya Niştimanî ya Sûrî
