Cîgirê Serokê Hevbendiya Niştimanî ya Hêzên Şoreşê û Rikberiya Sûriyê Ebdulehed Istêfo, diyar kir ko Kampanya leşkerî ya ko Esed û Rûsya û milîtanên Îranî serpereştiya wê dikin, di pêkanîna amancên xwe de li bajarê Helebê têkçû, tev ko tawanên qirkirina komel jî di derheqê sivîlan de kirin.
Istêfo got ko tawanên li Sûriyê çêdibin , mezintirîn tawan in ji cenga cîhanî ya duyem ve, û got: “armancên ku Rêjîm û Rûsya û Îran ji bo wan êrîşa xwe ya dijî Helebê dest pê kiribûn pêk nehatin, û Rûsya ketiye davekê de û dixwaz jê derkeve”.
Bajarê Helebê ji 15 çêriya paşî ve ketiye ber bombebaraneke bêhempa de, bêtir ji 750 kesî şehîd ketine û bi hezaran birîndar bûne. Berevaniya sivîl ya Sûrî ragihand ko hemû nexweşxane û dibistan û piraniya firneyan û du navendên Berevaniya Sivîl ji xizmetê derketine
Istêfo destnîşan kir ko pêwîstiyeke mezin ya vegera operasiyona siyasî ya danûstandinên Cinêvê heye, ji bo cîbicîkirina biryarên navnetewî, û di serî de bendên wê yên mirovî yên ko doza rawestandina bombebaranê û rakirina dorpêçê ji ser bajar û bajarokên dorpêçkirî dikin û her weha gihandina alîkariyan û berdana girtiyan.
Jêder: Nivîsgeha Ragihandinê ya Hevbendiya Niştimanî
