Ofîsa Belgekirina Binpêkirinan di Kombenda Azadîxwazên Horanê de, di heyva tîrmeha bûrî ya sala 2023an de, kuştina 57 kesan li parêzgeha Deraa tomar kiriye, zarokek û du jin di nav wan de hebûn, û Ofîsê kuştina kesekî di bin îşkenceyê de piştî girtina wî ji hêla girûpeke xwecihî ya bi ser şaxê ewlekariya dewletê ve belge kiriye.
Û Ofîsa Belgekirinê 42 operasyon û hewldanên kuştinê yên ku 37 kes têde hatibûn kuştin û birîndarbûna 15 kesên dîtir bi birînên curbecur û rizgarbûna 7 kesan ji hewldanên kuştinê serjimar kir.
Û Ofîsê di heyama heyva tîrmeha bûrî de girtina 25 kesan ji aliyê hêzên rijêmê ve, 6 ji wan di heman heyvê de serbest hatin berdan, belge kir.
Û rapora Kombendê bal kişand ser ku aliyên ku operasyonên girtinê cîbicî kirine ev bûn: 18 haletên girtinê ji aliyê asayîşên leşkerî ve bûn, û 4 ji hêla asayîşên asîmanî ve bûn, û 3ê halet ji hêla asayîşên giştî ve pêk hatin.
Û Ofîsê 22 haletên revandina xelkê parêzgeha Deraa belge kirine, 13 kes ji wan li gundewarê bakurê parêzgeha Humsê hatibûn revandin, 12 ji wan serbest hatin berdan û tenê welatiyek ta dema weşandina raporê girtî maye.
Û xelkê parêzgeha Derayê û çalakvanên wê, amûrên ewlekariyê yên rijêma Esed û milîsên Îranî tawanbar kirin, ji ber ku ew herdû alî milîsên xwecihî yên ku li paş bêhtirê operasyonên kuştinê ne dermafê rikberên rijêmê û her kesê ku li dijî pirojeya berfirehkirina Îran li deverê radiweste, bikar tînin.
Jêder: Ofîsa Ragihandinê ya Hevbendiya Niştimanî ya Sûrî
