Komîta bilind ya Hecê supasiya hikûmeta Tirkiyê kir li ser hasankariyên ji aliyê wê bo hecaciyên Sûrî û bo karê komîteyê hatine pêşkêşkirin, ji bo veguhestina hecaciyan ber vi Erebistana Si’ûdî ve bo cêbicêkirina ferza hecê.
Ev supasî ji hêla Samir Beyreqdar rêveberê komîta Hecê hat kirin, di vegotinekê de li baregeha komîta bilind ya Hecê li Mekê, li dema pêşwazîkirina şandeka fermî ya rêveberiya karubarên olî ya komara Tirkiyê bi serokatiya Ekrem Keleş.
Hevdîtin hat encamdan bi amadebûna endamên komîta bilind ya Hecê û serokê şanda olî ya komîta bilind şêx Mutî’h Elbetin, û endamên encûmena Îslamî ya Sûriyê bi serokatiya Dr. Mihemed Ebû Elxêr Şikrî, tevlî amadebûna sikirtêrên girûp û firaksyonên werzê hecê yên sala 1438 k – 2017z, û endamên şanda kargêrî û olî û saxlemiyê, û hin hicaciyên mala xwedê yên beşdar ligel şanda Sûrî ya îsal.
Beyreqdar da xuyakirin ku sercem hêsankarî bo karê komîta Hecê ji aliyê hikûmeta Tirkiyê li ser qada xwe her ji çar salan ve têne pêşkêşkirin, û herwiha rê li pêşiya derbasbûna 3 hezar Sûriyên ji qada Sûriyê bo qada Tirkiyê û 4 hezar hecaciyên din ber bi Erebistana Si’ûdî ve vekiriye, û dabînkirina vegera wan bê vîza.
Ku komîta bilind ya Hecê bi dirêjahiya pênc salên berdewam bi rêkirina karwanên hicaciyên Sûriyê ber bi Hecê radibe, û hejmara heciyên îsal gihişt nêzîkî 15 hezar hecî.
Ku çend nivîsîngeh ji aliyê komîteyê li (Misrê, Ordinê, Libnanê, Tirkiyê, bakurê Sûriyê) vekirin, tevlî vekirina çend nivîsîngehên neserekî li (Îmarat, Qeter, Kiwêt), bi armanca pêşwazîkirina daxwaznameyên hecê û rêkupêkirina raguhestina wan û dabînkirina sercem hasankariyên pêwîst bo hecaciyan.
Jêder: Ofîsa Ragihandina Hevbendiya Niştimanî