Hevrêzkarê Komîteya Cezîrê û Ferêt ya Hevbendiya Niştimanî ya Sûrî Ebdulbasit Ebdulletîf, raportek li ser kûrbûna belavbûna milîsên Îranê li herêma rojhilat li pêşiya Desteya Siyasî pêşkêş kir, û bal kişand ser ku ev derbasbûn metirsiyekê li ser tevna civakî ya Sûriyê çêdike, ji ber ku hejarî û şert û mercên jiyanê yên dijwar wek derfet bi kar tîne da xelkê bikişîne aliyê xwe.
Û Ebdulletîf eşkere kir ku Îran tawanên kirêt dijî nişteciyên deverê pêk tîne ji bo xwe biçespîne û hebûneke mayînde ji milîsên xwe re dabîn bike, û bal kişand ser ku Tehran palê dide ser heman rêbaz û amûrên mezhebperestî yên gemar.
Û Ebdulletîf bal kişand ser wê yekê ku Komîteyê workşopek li bajarê Gazîentabê li dar xist, û têde gelek siyasetmedar, mafnas û navendên lêkolînan beşdar bûn, daku li ser mijara belavbûna Îranê li Sûriyê rawestin, û têde behsa tevgera Îranê û çalakiyên milîsên wê yên olî û civakî kir, û li ser peywendiya di nav wan milîsan û milîsên PYDe yên terorîst de axivîn.
Û Ebdulletîf behsa şopandina leşkeriya neçar ji aliyê milîsên Îranî ve dermafê ciwanên herêmê û ku çawa wan dişînin Yemenê daku li kêleka milîsên Hûsî şer bikin kir, ji ber ku wan ofîsên tomarkirina xwebexşan bi pereyên pir vekirine û di kampên veşartî de wan rahênan dikin, û bal kişand ser wê yekê ku di heyva Adara bûrî de şandekê ji milîsên Hûsî serdana bajarê Bûkemal kir, daku nişteciyên deverê han bide li ser beşdariya di pevçûnên Yemenê de.
Jêder: Ofîsa Ragihandinê ya Hevbendiya Niştimanî ya Sûrî