Serokê Hevbendiya Niştimanî ya Hêzên Şoreş û Rikberiya Sûrî , Anas al-Abdah, peyamek şand Konseya Ewlehiyê, herweha ji wezîrên derve yên 32 welatên hevalên gelê Sûriyê re, têde daxwaz kir ku bilez gavan bavêjin ji bo çareserkirina qeyrana mirovahî li Idlib û gundewarê Helebê, û dawî li kiryarên xirab ên ku ji hêla Rejîma Esad ve dijî sivîlan tên kirin bînin.
Al-Abda ji Encûmena Ewlekariyê re got ku ti rola berçav a civaka navdewletî bo rawestandina operasyonên leşkerî yên berdewam li ldlib û gundewarê başûr û yê rojavayê Helebê tunebû, ne di asta mirovahî, ne diplomatîk nejî siyasî de.
Di peyama xwe de, tekez kir ku çavgirtina ji tewan û sûcên ku rejîma Esed li dijî gelê Sûrî dike, digihêje astê hevpariyê, û wiha domand: “Em piştrast in ku tevahiya civaka navdewletî, û bi taybetî Neteweyên Yekbûyî, vê meselê naxwazin, nemaze li gor erkê ku Meclîsa Ewlehiyê ji bo wî hatiye afirandin. “
Û Alabda daxwaza peydakirina bilez ji alîkariyên mirovahî û pêdiviyên bingehîn re kir, nemaze yên têkildarî bicîbûnê, xwarin, perwerdehî û karûbarên tenduristiyê, û xwest ku hemû tawanên ku rejima Esed li ser xaka Sûrî , nemaze li Idlib û gundewarê Helebê kirine bi tundî bên protestokirin.
Wî daxwaz kir ku piştgirî bo bizavên parastina sivîlan bibin, û agirbestek berfireh dabîn bibe, wek destpêşxeriyekê ji bo destpêkirina pêvajoyek sîyasî , û tekezî li ser giringiya pişgiriya pêvajoya siyasî kir ta bigihîje veguheztinek sîyasî.
Her weha giringî da vexwendina hemî aliyên peywendîdar, da ku bi berpirsiyarî tevbigerin, ji bo bigihîjin çareseriyek siyasî ya berbiçav bi bicîhkirina tevahiya biryara 2254 ya Encûmena Ewlekariyê, û dît ku ew dê çareseriyek rastyeqîn li Sûriyê misoger bike.
Jêder: Ofîsa Ragihandinê ya Hevbendiya Niştimanî ya Sûrî
