Berdevkê desteya bilind ya danustandinan, Riyad Ne’isan axa da zanîn ku daxuyaniyên serokwezîrên Îsra’îlê Binyamîn Netenyaho yên dibêje ku “Em dest ji bilindahiyên Colan bernadin” berovajî dada navdewletî ye, hevdem tekez kir ku “Colan Sûrî ye û wê hetaheta Sûrî bimîne “.
Ne’isan tekez kir ku dagîrkariya Îsra’îlê nikariye baweriyê bi tikesî re çê bike, ” heta jêre bêje ku ez xudanê beşa hatî dizînim ji qada Ereban bi rêka êrîşên berdewam”, û cext kir ku cîhan tev dizane ku colan beşek ji Sûriyê ye”.
Li aliyek din duhî, Komkara Erebî jî daxuyaniyên Îsra’îlê derbarê Colanê şermezar kirin, û di daxuyaniya xwe de cext kir ku bilindahiyên colanê qadeka Sûriyê ye ya hatî dagîrkirin e.
Komkara Erebî ev daxuyaniyên Îsra’îlê “bi pêgavek gurkirinê ya nû da naskirin û dibe binpêkirinek eşkera li ser piransîpên yasa û biryarên dada navdewletî”, û dîsa got: ” sikirtariyeta giştî ya komkara Erebî dubare tekeziyê li ser wê yekê dike ku Colan qada Ereban ya Sûriyê ye û ji mafê gelê Sûriyê ye serweriya vê beşa erebî bikin”.
Herwiha komkara Erebî hişyarî da hikûmeta dagîrkariya Îsra’îlê derbarê bikaranîna rewşa niha ya Sûriyê ji bo yasakirina berdewamiya dagîrkirina Colanê.
Jêder: Hevbendî + Wekalat
