Ofîsa Penaberan ya Hevbendiya Niştimanî ya Sûrî civîna xwe ya rolane lidar xist, û rewşa penaberên Sûrî li cîhanê nirxand, û rewşa penaberên Sûrî li Yonanistan, Libnan, Somal û Yekîtiya Ewropa gengeşe kir.
Û di civînê de Endamê Desteya Siyasî û Hevrêzkarê Ofîsa Karûbarê Penaberan di Hevbendiya Niştimanî de Emel Şêxo, û Endamên Rêvebiriyê Ednan Rehmon, Zekeriya Melahifcî, Welîd Ibrahîm û Îmad Berho amade bûn.
Û civîngeran tekez kirin ku sedema rasteqîn ya kêşeya penaberên Sûrî li dewletên cîhanê Beşar Esed e, ew jî bi piştgiriya Rûsiya û Îranê ye, yên bi dirêjiya 9 salan kar li ser koçberkirina yek ji sê ji hejmara gelê Sûrî kirine.
Û Endamê Ofîsê D. Zekeriya Melahifcî diyar kir, ku rewşa penaber û girtiyên Sûrî li Libnanî di pêşiya mijarên girîng de ye li bal Hevbendiya Niştimanî, nemaze di dema nûçeyên li ser belavbûna mezin ya vîrosa korona di hundir girtîgehên Libnanî de.
Û bal kişand ku Hevbendiya Niştimanî hejmarek ji name û daxwazan arasteyî civaka navdewletî û saziyên navdewletî kiriye, ji bo dabînkirina tevaya pêdviyên girtiyan, nemaze pêketiyên vîrosa korona.
Û tekez kir ku Hevbendiya Niştimanî dest bi helmeteke siyasî û diplomasî kir, daku roniyê bide ser rweşa girtiyên di zîndanên Libnanê de û daku li ser rastiya tuhmetên ku ew pê hatine girtin bisekinin.
Û derbarê penaberên Sûrî li Yonanistanê Endamê Karûbarê Ofîsa Penaberan, Ednan rehmon, got ku Hevbendiya Niştimanî di dema bûrî de li ser belgekirina dijminkariyên nijadperestî yên metirsîdar dermafê penaberan xebitî, û yadnameyek yasayî ji Komisyona Bilind a Netewên Yekbûyî ya Karûbarê Penaberan, Filippo Grandi derbarê wan dijminkariyan pêşkêş kir, û daxwaza dabînkirina parastina pêwîst bo tevaya penaberan û bihêle ku Hikûmeta Yonanistanê rêzê li biryarên navdewletî yên tekeziyê li ser hurmeta mafên mirovan û dan û sitandina baş ji aliyê dewletên ku penaber têre derbas dibin kir.
Û derbarê penaberên Sûrî li Somalê, Rehmon got ku Hevbendiya Niştimanî ji bihnoka yekemîn de tekez kir ku hejmarek ji malbatan gihîştin xaka Somalê, û bi rengekî berdewam bi wan malbatan re têkildar bû, û ji bo dabînkirina tevaya xwestek û pêdviyên wan penaberan û Hevbendiyê pêwendî li gel Hikûmeta Somalî lidar xistin, ji bo karê lezgîn daku wan veguhêzin Meqesîşo ya paytext .
Û li ser penaberên Sûrî li dewletên Yekîtiya Ewropa Hevrêzkara Ofîsê, Emel Şêxo, eşkere kir ku Hevbendiya Niştimanî nameyeke lezgîn arasteyî Hikûmeta Danîmarkî kir, piştî hin gilî derbarê piroblêmên penaberên Sûrî li Danîmarkê derbarê pirsgirêkên nûkirina îqametên taybet bi wan, her weha derbarê biryarên bidûrxistinê yên ku ji aliyê Ofîsa Koçberiyê ya Danîmarkê derketine, û daxwaz jê kirin ku pêngavin lezgîn bo rawestandina biryar û rêşûnên pêkhatine werin avêtin.
Û di dawiya civatê de amadebûyan tekez kirin ku çareya dawîn ya doza penaberên Sûrî di riya çareya siyasî ya tam di riya cîbicîkirina biryara Encûmena Ewlekariyê 2254 tê, çimkî ew takerê ye ji veguhestina siyasî re, yaku rê li pêşiya jîngeheke aram û bêalî xweş dike, û tê de vegera tevaya penaberan a ji ber xwe ve misoger bike.
Jêder: Ofîsa Ragihandinê ya Hevbendiya Niştimanî ya Sûrî
