Ofîsa Revendan ya Hevbendiya Niştimanî ya Sûrî, civînek ji dûrve li gel Serokên Revendên Sûrî li hejmarek ji dewletên cîhanê lidar xist, û ji wan re kar û çalakiyên ku Hevbendiya Niştimanî di dema bûrî de pê rabûye berçav kirin, û bi wan re behsa rêyên rûbirûbûna şanoya hilbijartinên ku rêjêma Esed dixwazê lidar bixe kir.
Û di civînê de Cîgirê Serokê Hevbendiyê Rubaa Hebûş, Hevrêzkarê Ofîsa Revendan Mihemed Yehya Mektebî, sekretêrê desteya siyasî Riyad Elhesen, Serokê Desteya Niştimanî ya Winda û Girtiyan Yasir Elferhan, Nûnerê Hevbendiyê li Almaniya Fadil Efa Elrifaî Û Nûnera Hevbenduyê li Netewên Yekbûyî Meryem Çelebî amade bûn.
Her weha Serokê Encûmena Revenda Sûrî li Danîmarkê parêzer Mihemed Bertawî û Endamê Revenda Sûrî li Danîmarkê Mihemed Ismaîl Elhemdo, Serokê Revenda Sûrî li Romaniya Îmad Qesas, Serokê Revenda Sûrî li Erebistana Siûdî Cemîl Daagistanî, Serokê Revenda Sûrî li Hatay Mihened Xetab, Serokê Revenda Sûrî li Gazî Entabê Mustefa Elhusên, Serokê Revenda Sûrî li Îtaliya Elhekem Efendî û Rojnemevan û endamê Revenda Sûrî li Romaniya Mazin Elrifaî di civînê de amade bûn.
Û kesên civînger li ser komcivîna jina sûrî yaku Ofîsa Jinê ya Hevbendiya Niştimanî lidar xistiye û peymana şoreşa sûrî ya maf û azadiyan axivîn, û behsa rêyên rûbirûbûna şanoya hilbijartinên Esed kirin.
Û Cîgira Serok Ruba Hebûş kure-şiroveyek li ser komcivîna yekemîn ya jina sûrî pêşkêş kir, û bal kişand ser ku komcivîn di nav pilana ofîsê yaku dixwaze têkliyên xwe li deverên rizgarkirî li gel çalakiyên jinan xurt bike de tê.
Û diyar kir ku jinên di komcivînê de beşdarî kirine ji yên herî çalak bûn, û çarçoveya beşdariyê di pêşerojê de dê hîn firehtir be, û got ku tevgera jinê li deverên rizgarkirî rastî gelek astengiyan tê, yek jê ku ti aliyekî fermî bo jinê tune ye daku li ser zemînê kar bike.
Û tekezî li ser pêwîstiya xurtkirina nûnertiya jinê di Hevbendiya Niştimanî û saziyên şoreşgerî de û gihandina jinê bo navendên biryarê kir, û eşkere kir ku niha amadekarî bo damezrandina desteya jina sûrî hene, û dê jinên li deverên rigarkirî di pêşiya wê desteyê de bin.
Û Yasir Eferhan şiroveyek li ser peymana mafan û azadiyan yaku Hevbendiya Niştimanî di dema bûrî de biryara wê daye pêşkêş kir, û got ku derxistina peymanê pêwîst bû, û ji aliyê Hevbendiya Niştimanî bi herdu desteyên siyasî û giştî hate pesendkirin, û tekez kir ku maf û azadî gewhera doza şoreşa sûrî ye, û bal kişand ser ku tevî nakokiyan di navbera aliyên rikbera sûriyê de, lê ew tev li ser doza maf û azadiyan lihev dikin.
Û Elferhan bal kişand ser ku peyman bi xwe wek pirensîpên rênimakirinê ne û di beşên wê de behsa mafên siyasî û sivîl û civakî û serdariya yasayê dike, û diyar kir ku dê naveroka wê peymanê li gel rayedarên Artêşa Niştimanî ya sûrî û encûmenên xwedihî û hêzên çalak li deverên rizgarkirî were gengeşekirin, ji bo hemû aliyan pabend bike.
Û rojnemevan Mazin Elrifaî li ser giringiya rûbirûbûna şanoya hilbijartinên serokatiyê yên ku rijêma Esed dixwaze lidar bixe û hevkariya tevaya aliyên sûrî di rûbirûbûna vê şanoyê de axivî, û Serokê Revenda Sûrî li Danîmarkê parêzer Mihemed Bertawî şiroveyek li ser biryarên bidawîanîna mafê niştecîbûbê ji hejmarek ji penaberên sûrî li Danîmarkê û ancamên wê biryarê pêşkêş kir, û daxwaza hebûna rola revenda sûrî di rawestandina qewitandina kotekî de kir, di riya ldarxistina mangirtinan li pêşiya Wezaretên Derve û Balyozxaneyên Danîmarkê li seranserî cîhanê.
Jêder: Ofîsa Ragihandinê ya Hevbendiya Niştimanî ya Sûrî