Ofîsa Revendan ya Hevbendiya Niştimanî ya Sûrî civînek ji dûrve li gel hejmarek ji Encumenên Revendên Sûrî li seranserî cîhanê bo şopandina pêşketinên bûyeran li Deraa lidar xist.
Û di civînê de Serokê Desteya Danûstandinê ya Sûrî Enes Elebde û Hevrêzkarê Ofîsa Revendan Mihemed Yehya Mektebî û endamê Desteya Siyasî Mihemed Qedah û endamên Desteya Giştî Eymen Elasimî û Basil Ginêm û Nûnera Hevbendiyê li bal Netewên Yekbûyî Meryem Çelebî û Nûnerê Hevbendiyê li Almaniya Fadil Efa Elrifaî û Nûnerê Hevbendiyê li Urdinê Tariq Ebas, amade bûn.
Û ji aliyê revendan ve Serokê Revenda Sûrî li Kiwêtê Mihemed Emîn Elherîrî, Cîgirê Serokê Revenda Sûrî li Îtaliya Elhekem Efendî, Endamê Encumena Revenda Sûrî li Danîmarkê Mihemed Îsmaîl Elhemdo, Endamê Revenda Sûrî li Romaniya Mazin Elrifaî, Serokê Encumena Revendê li Gazî Entab Mustefa Elhusên û Serokê Encumena Revendê li Gazî Entab Mihened Xetab, amade bûn.
Û Qedah şiroveyek giştî li ser rewşa Deraa bi gelemperî pêşkêş kir, û bi awayekî berfireh li ser pêşketinên dawîn ji destpêka rêkeftina sala 2018an de ta niha axivî, û bal kişand ser qonaxên gurkirinê yên dawîn wek sepandina bendên li ser çûnûhatina xelkê Deraa Elbeled û di pey re sepandina dorpêçkirinê û hewldanên serdegirtinê, û tekez kir ku xweragiriya xelkê Deraa Elbeled û piştgiriya bajarokên parêzgehê yên ku dijî rijêmê rabûne hewldanên serdegirtina bajêr ji aliyê rijêmê ve têk birin.
Û Qedah rêya danûstandinê yaku di navbera Komîteyên Navendî li Deraa ji alîkî de, û rijêm û Rûsiya de li aliyê din berçav kir, û bal kişand ser ku rijêma Esed rêzgirtin li rêkeftinên li ser lihev hatiye kirin di dema danûstandinan de nekir.
Û Serokê Desteya Danûstandinê Enes Elebde, diyar kir ku sedema kîna rijêmê li ser parêzgeha Deraa semboliya Deraa û şoreşgerên Deraa û mizgefta Elumerî di wijdanê şoreşgerên Sûrî de ye, û tekez kir ku rijêm dixwaze xweragiriya gelê Sûrî di riya lêdana semboliya vê parêzgehê re bişkîne.
Û Elebde eşkere kir ku sedema tiştê ku li Deraa çêdibe ew e ku rijêm û Îran bi hebûna nêzîkbûnê di nav Rûsiya û Emrîka de her weha guftûgoyên derbarê cÎbicîkirina biryara 2254an û gihiştina çareya siyasî li welêt hestyar in, û bal kişand ser ku hin rêyên pêwendiyê di navbera Emrîka û Rûsiya de piştî dirêjkirina biryara veguhestina alîkariyên mirovahî di riya sînor re vebûne.
Û Elebde li ser karên ku Desteya Danûstandinê bo rawestandina helmeta leşkerî û hilanîna dorpêçkirinê di riya pêwendiyên berdewam li gel Wezaretên Derve û Nûnerên Dewletên Çalak di doseya Sûrî de axivî, û tekezî li ser giringiya hevtemamkirina karê di navbera rikberiya siyasî ya fermî û revendên ku roleke giring di bandora li ser raya giştî û çêkerên biryarê li dewletên ku revendê lê ne kir.
Ji aliyê xwe ve Eymen Elasimî li ser bijardeyên berdest ên erênî û neyînî li pêşiya xelkê Deraa bo derbaskirina vê qonaxê axivî, û diyar kir ku bijardeya texmînkirî ew e ku têgihiştin li gel feyleqa pêncemîn û Rûsiya de çêbibe, daku milîsên Îranî û çeteyên rijêmê derbasî bajêr nebin, û nehêlin ku xelkê bajêr koçber bibin, û dorpêçkirin ji ser bajê bête hilanîn.
Û ji aliyê xwe ve Hevrêzkarê Ofîsa Revendan Mihemed Yehya Mektebî li ser rola mezin yaku saziyên Sûrî-Emrîkî li Emrîka pê radibin yaku hiştiye endamên Kongirês û ta Wezîrê Derve yê Emrîka guh bidin bûyerên ku li Deraa çêdibin axivî, û tekez kir ku Rûsiya xwe wek aliyekî gerantor, xwe bi cerbandina bi sedên çekan li ser gelê Sûrî dibîne.
Û serokê Revenda Sûrî li Kuwêtê, Mihemed Emîn Elherîrî, diyar kir ku rijêm dixwaze xelkê bajêr di riya anîna hin kesayetên jêve nêzîk bixapîne, daku wan weke ku kesê nûnertiya çalakiyên Deraa dikin pêşkêş bike, ew jî ji bo danûstandina li gel wan û xapandina cîhanê, daku ji cîhanê re xuya bike ku xelkê Deraa dixwazin ku artîşa rijêmê derbasî bajêr bibe.
Û Elherîrî tekez kir ku çeteyên rijêmê nikarîbûn derbasî Deraa bibin ji ber xweragiriya xelklê wê û ji aliyekî dî ve cudahî û newekheviya di navbera helwestên rijêmê û kesên ku rijêm wan bikar tîne de.
Û Elhekem Efendî cextî li ser giringiya rola penaber û Revendên Sûrî di warê piştgiriya saziyên şoreşgerî yên siyasî û fermî kir, û tekez kir ku ev rol her roj zêde dibe, û her weha hewcedariya hevtemamkirina rolan di navbera wan de ta bighêje pêkanîna daxwazên gelê Sûrî di azadî û rûmetê de.
Û Mazin Elrifaî li ser giringiya ku rojnamegeriya şoreşê her roj raporekê biweşîne û têde roniyê bide ser tiştê li Deraa çêdibin, daku derbarê Deraa weke jêderekî sereke be, ji bo ku li ser wê çalakiyên rojnemevanî yên Revendên Sûrî li seranserî cîhanê ava bibin.
Û Serokê Revenda Sûrî li Gazî Entab Mustefa Elhusên li ser rola ku Revenda Sûrî pê rabûye, di warê piştgiriya xweragiriya Deraa de tevî kêmbûna piştgiriya ku bêhtirê wê derûnî bûn axivî, û li ser hevdîtina ku di navbera Revenda Sûrî li Entabê û hejmarek ji saziyên Sûrî-Emrîkî de bo hevrêziyê di nav herdû aliyan de û sûdwergirtinê ji serboriya saziyên Sûrî-Emrîkî axivî.
Jêder: Ofîsa Ragihandinê ya Hevbendiya Niştimanî ya Sûrî
