Şanda opozisyona Sûriyê roja sêşembê 28’ê reşemehê li Cinêvê ligel girûpa navdewletî ya dostên gelê Sûriyê kom bû, ji bo gengeşekirina rojeva piroseya siyasî li Cinêvê ya ku bi armanca pêkanîna veguhestina siyasî dibe, wek ku di tekestên biryarên navdewletî de hatiye û ji wan biryaran 2118 û 2254.
Di kombûnê de amadebûyan binpêkirinên berdewam yên di rêkeftina agirbestê de ku ji aliyê hêzên Esed û milîsên Îranê de çêdibin şermezar kirin, û tekezî li ser pêwîstiya dadgehkirina encamderên tawanên şer yên di derheqê sivîlan de dibin kirin.
Herwiha “Vîto”ya Rûsiya û Çînê ya bû egerê têkçûna pirojebiryara dadgehkirina tawankarên şer û dûvçûna encamderên çekên kêmyayî li Sûriyê şermeza kirin, û dîtin ku ew redkirin piştgiriya terorê dike û rê li pêşiya dadgehkirina tawankaran digire, û bandorek nerênî li piroseya siyasî ya niha ku li Cinêv bi rêve diçe dike.
Herwiha tekezî hat kirin li ser giringiya berdewamiya bersivdana erênî ya şanda desteya bilind ya danustandinan, ya her ji destpêka gera niha ya danustandinan û timamkirina gengeşekirina ramanên ji aliyê şanderê navdewletî Stîvan Dî Mestora tên pêşniyarkirin.
Jêder: Ofîsa Ragihandina Hevbendiya Niştimanî
