Ofîsa şêwirmendiya stratejî ya Hevbendiya Niştimanî ya hêzên şoreş û rikberiya Sûriyê, panelek bi sernavê “Serhildana Iraqê .. sedem û encamên pêşbînîkirî” lidar xist.
Di civînê de, pisporê stratejî û endamê berê yê parlamentoya Îraqê Dr. Omar Abdul Setar, tevî hejmarek endamên desteya siyasî û desteya giştî axivîn.
Dr. Abdul Setar kurteyek li ser pêşkeftinên bûyerê li Îraqê, û bandora wê li ser welatên herêmê, di nav de Sûriyê pêşkêş kir.
Herweha behsa tawanên Îranê li Iraqê û welatên deverê kir, û tekez kir ku fişareke mezin li ser Îranê dibe ji ber serhildanên hejmarek welatên Erebî li dijî kiryarên wê û tawanên dijî gelên navçeyê.
Û diyar kir ku çend senaryo li pêşberî bûyera Iraqê hene, di heman demê de tekez kir ku daxwaza gelê Îraqî ye ku ji bin destê Iranê derkeve û ber bi komareke rastyeqîn a Iraqî ve biçe.
Wî herwiha tekez kir ku Îran dê di dawiyê de ziyandar derkeve, û ev yek wê bi sûd û qazinc be bo Sûriya û doza gelê wê ji bo bi bidestxistina azadî û serbilindiya xwe.
Ji hêla xwe ve, Ehmed Remedan, endamê desteya siyasî û berpirsê ofîsa şêwermendiya stratejî ya Hevbendiyê, got ku ev panel tê di çarçova guhdana pêşketinên bilez li herêmê, di nav de yên Îraq û Libnanê, û diyar kir ku armanc ji vê panelê ew e, zêdekirina agahiyan derbarê bûyeran û danîna nêrîneke stratejî ji bo bidestxistina ewlehî û aramiyê li herêmê, û misogerkirina azadiya gelên wê ji hejmona Îranê û sazkirina sîstemek sivîl û demokrat û dabînkirina dadmendî û wekheviyê.
Berê jî ji aliyê ofîsa şêwirmendiya stratejîk, hejmarek pispor û lêkolîner hatibûn mêvandarkirin, û gelek komcivîn li ser pirsgirêkên Sûriyê û herêmê li dar xistibûn.
Jêder: Ofisa Ragihandina Hevbendiya Niştimanî Sûrî
