Di rapirsînekê de li Elmaniya bo wergirtina boçûnên penaberên Sûrî, diyar bû ku piraniya wan, rêjîma Esed dibînin berpirs di ber wêrankariya Sûriyê de û sedem bo nevegera wan bo welat.
Endamê desteya siyasî ya Hevbendiya Niştimanî Nesir Elherîrî tekez kir ku rêjîma Esed bi xwe berê xelkê Sûriyê da koçberiyê bisedema kiryarên xwe yên hovane li dijî çalakvanên aştîxwaz û sivîl her ji sala 2011an ve, paşî bisedema bikaranîna çekên giran û yên bitewşî û bombebarankirina komelgeh û bazarên gelêrî bi bermîlên teqîner, û girtina bi dehhezaran ji xelkê di girtîgehan de û eşkencedana wan heta mirinê, tevî ferzkirina leşkeriya neçarî.
Elherîrî da xuyakirin ku hêzên Şoreş û Rikberiya Sûriyê parastina sivîlan bi erkekî serekî dibînin û bi hemû şiyanên xwe kar dikin bo dabînkirina parastina sivîlan û bergiriya wan, hevdem amaje kir ku ev parastin bitenê li ser bejê dibe, lê ji dewletên dost tê xwestin hebûna rêjîmê li esmanê welat jikar bêxe, û navçeyek tenah bête peydakirin bo sivîl ji welat nerevin ber bi dewletên Ewropa ve.
Ji aliyê xwe ve endama desteya siyasî ya Hevbendiyê Suhêr Etasî bal kişandibû ku tişta Ewropa pê dirabe û pêşwaziya wê ji penaberên Sûrî re bi xwe çareseriyek demkî ye, û da xuyakirin ku Ewropa wê herdem rastî kirîza penaberiyê be, heger karek nehête kirin li dijî rêjîma Esed ya dibe reh û koka arîşeyê, ji ber ku piraniya xelkê Sûriyê hîç derfetên pêşketinê di Sûriya de nabînin bisedema êş û azarên wan yên mirovî û dorpêça rêjîmê li ser wan û nemana xwarin û fêrbûnê û heta bi nedana belgenameyên fermî, ji ber ku kesek naxwaze jiyana xwe di kampên penaberiyê de derbas bike, hevdem amaje kir ku pêwîst e li hember kirîza koçberiyê îstartîjiyek peyda bibe ku dîtina çareseriyek siyasî ya dadperwer bê beşdariya Esed têde hebe.
Ev rapirsîn ji aliyê rêxistina “Xwedîderketina Li Şoreşekê” ya Sûrî-Elmanî hat encamdan bi pişkdariya derdora 900 penaberî yên pirsyar ji wan hatin kirin li ser sedema koçberiya wan û hewiha mercên vegera wan bo welat, piraniya wan û bi rêjiya 69.5% bersiv dan ku rêjîma Esed yekemîn berpirse di ber tawanên Sûriyê de, herwiha rêjiya 31.6% rêxistina DAÎŞê dîtin berpirs.
Bersiva 52% ji wan ku wê vegerin welat di dema ku Esed biçe, lê 42% ji wan gotin ku wê vergerin piştî çûna DAÎŞê, û helbijartinên azad mercê 42% ji wan bûn bo vegera welat, lê mercê piraniya 67% bo vegerê ew bû ku “pêwîst e şerê rêjîma Esed li dijî milet raweste”, û bitenê 8% gotin ku ew naxwazin careke din vegerin.
Li ser encamên vê rapirsinê rêberê parta “Kesekan” ya Elmanî Cîm Odozdimîr bo rojnameya Bild ya Elmanî got:” Pêwîst e heryek ji Hikûmeta Fidrala Elmaniya û Yekîtiya Ewropî têbigehin ku Esed û bermîlên wî yên teqîner mezintirîn sedema tirajêdiya xelkê Sûriyê ye” û weha jî got “dibe ku çareseriyek siyasî li Sûriya çêbibe lê bê Esed”.
Jêder:Hevbendî
