Tora Sûrî ya Mafên Mirovan di raporta xwe ya rolane ya ku duh duşemê belav kiriye de, got ku wê herî kêm binçavkirina 213 kesan bi awayekî kotekî, 8 zarok û jinek di nav wan de hene, di heyva cotmeha bûrî de belgeh kirine, û amaje bi wê yekê jî kir ku rêjîma Esed 17 kesên ji yên ji bi darê zorê ji Libnanê hatine vegerandin girtine.
Raporê diyar kir ku berdewamiya girtina kotekî bûye sedema zêdebûneke berçav a windakirina mirovan bi darê zorê, ku Sûriyê bûye yek ji xirabtirîn welatên cîhanê yên ku welatiyên xwe bêserûşûn dikin.
Di raporê de encamên girtina kotekî û berdana ji navendên binçavkirinê hatine diyarkirin, û eşkere kirıye ku di dozên belgekirî de revandina ku bi destê aliyên nenaskirî pêk hatine û kesên ku ji ber sûcên cinayî ên wekî madeyên hişber û kuştinê hatine binçavkirin, di raporê de nehatine nivîsîn, tenê kesên ji ber sedemên siyasî hatine girtin belge kirine.
Li gor rapora toreyê, 194 kesên bi darê zorê hatine windakirina ji nav 213 haletên binçavkirina kotekî yên hatine tomarkirin, ku 131 ji wan li ser destê hêzên rêjîmê ne, 3 zarok û jinek di nav wan de hene.
Herwiha raportê 43 halet li ser destê milîsên PYDê yên terorîst, 4 zarok di nav wan de hene, herweha 21 kes li ser destê Heyet Tehrîr el-Şam, zarokek di nav wan de heye, belge kirine.
Analîzên erdnîgarî yên agahiyan nîşan didin ku parêzgeha Helebê herî bêhtir girtina kotekî lê heye, li dû wê parêzgeha Şamê, herû parêzgeha gundewarê Şamê û ya Humsê, dûv re parêzgeha Idlibê, piştre Dêrezorê û piştre Hema.
Raporê amaje kir ku wê girtina penaberên ku ji Libnanê direvin şopandiye û bal kişand ser ku ev girtin li deriyên sînorî yên fermî û nefermî yên di navbera Sûriye û Libnanê de pêk hatine, û piraniya wan birine navendên ewlekarî û leşkerî yên li parêzgehên Hums, Şam û Helebê.
Tora Sûrî ya Mafên Mirovan girtina herî kêm 17 penaberan bibelge kiriye, piraniya wan ji parêzgeha Idlibê ne, sedema sereke ya girtinê leşkeriya neçar û ya yedek û derbasbûna welat bi awayekî nefermî bû.
Hevbendiya niştimanî ya Sûriyê tekez kir ku hîn jî Sûriye ji bo vegerandina penaberan ne ewle ye, ji ber berdewamiya heman sedemên ku bûne sedema koçberbûnê, ango kuştin, girtin û îşkencekirin, û raportên mehane û salane yên mafên mirovan vê yekê piştrast dikin.
Wî bal kişand ser ku binavkirina Sûriyê weke welatekî ewle dabeşkirineke siyasî ye û ne li ser bingeha rastiyên li ser erdê ye, û pişta xwe bi raporên pêbawer ên mafên mirovan rast kir, ku bi berdewamî binpêkirinên rêjîma Esed li dijî kesên ku ji Libnanê direvin belge dikin, herweha bi biryara Encûmena Mafên Mirovan ya di 31ê tîrmeha sala borî de û biryara Komîteya Lêkolînê ya Navdewletî ya di 9ê cotmehê de.
Wî ji civaka navdewletî xwest ku bi xurtî kar bike ji bo aktîvkirina pirosesa siyasî û berdewamkirina cîbicîkirina biryarên navdewletî yên derbarê pirsa Sûriyê, bi taybetî daxuyaniya Cinêvê û biryarên 2118 û 2254, û dît ku ew tekane rê ye ji bo çareserkirina pirsgirêka penaberan ji kokê de .
Jêder: Ofîsa Ragihandinê ya Hevbendiya Niştimanî ya Sûrî
