Emîndarê Giştî yê Hevbendiya Niştimanî Heysem Rehmê, cextî li ser pêwîstiya cudanekirina di navbera tawanên Rusya yên ku li Okranya û yên Sûriyê pêk tên kir, ji ber ku di herdû welatan de çekên qedexe li ser asta navdewletî dijî sivîlên bêguneh bikar anîn, û alîkarî ji milîsên ji neteweyên cuda xwest.
Û Rehmê pesna bizavên navdewletî bo sizakirina Rusya li ser tawanên wê da, piştî ku Yekîtiya Ewropa hevkariya xwe li gel Dadgeha Tawanan a Navdewletî bo avakirina dadgeheke taybet ji tawanên cengê yên Rusya li Okraynya re ragihand.
Û Rahmê got ku bi dirêjiya salan gelê Sûriyê derdeseriya bombebarankirin, kuştin û terorê dikşînê, û piştre ev tişt li Okrayna bi tawanên bi heman rengî ji aliyê heman tawankarên Rusî û rijêma Esed û milîsên curbecur yên Îranê û milîsên Wagner hat dubarekirin.
Û Rehmê berdewam kir û got ku wekhevbûna êşên mirovî hişt ku gelê Sûriyê li kêleka gelê Okranya yê dost be, û divê herdû gel ji hêzên tawankar rizgar bibin.
Û Emîndarê Giştî tekez kir ku her rêkareke sizakirinê dijî Rusya divê bandorê li rijêma Esed jî bike, ji ber hevkariya wê pêre û pêkanîna tawanên bi vî rengî di van yanzdeh salên bûrî de dijî gelê Sûriyê, û hişyarî da ku nayê pejrandin rijêma Esed heta niha di platformên navdewletî de cî bigre, û derbarê dosya Sûriyê de derew û sextekarî û xapandinê belav bike.
Û Rehmê daxwaz kir ku çi rewaya rijêma Esed di civatên navdewletî de nemîne, ji ber ku nûneratiya gelê Sûriyê nake, û tiştê ku Rusya û Îran li gorî berjewendiyên xwe û xizmeta pirojeyên xwe yên tawankar jê dixwazin cîbicî dike.
Jêder: Ofîsa Ragihandinê ya Hevbendiya Niştimanî ya Sûrî
