Emîndarê giştî yê Hevbendiya Niştimanî ya Sûrî Heysem Rehmê, hişyarî da derbaraê ku çi pirosesa vegerandina penaberên Sûrî yên li Libnanê berve deverên rijêma Esed de, dê tawaneke mezin û binpêkirin ji yasayên navdewletî re be, û daxwaz ji desthilatên Libnanî kir ku rijdiya xwe ya derbarê vegerandina penaberan berve çarenivîseke naskirî de, ya ku dê li deverên di bin kontirola rijêma Esed de rastiyê werin, rawestîne.
Û Rahmê bal kişand ser ku biryara Encûmena Mafên Mirovan, di rûniştina xwe ya 51emîn de berî çend rojan, tekez kiribû ku Sûriya welatekî neewle ye, û rijêma Esed di ber bidehhezaran wendayên kotekî û girtiyan de li Sûriyê berpisyar e.
Û Rehmê daxwaz ji Netewên Yekbûyî, Komîseriya Bilind a Penaberan û Komkara Erebî kir ku bilez tevbigerin ji bo rawestandina vegerandina sûriyan ji Libnanê, di bin çi sernavên vegera ji ber xwe ve de be, û biryarin cidî bistînin, têde nehêlana cîbicîkirina desthilatên Libnanî ji pilana vegerandinê re misoger be, û dît ku Hikûmeta Libnanî berpirsyar e di ber çi ziyana ku bighêje penaberên Sûrî.
Û Rahmê tekez kir ku ew gotina dibêje ku deverên di bin kontrola rijêma Esed de deverin ewle ne, derew e û ne rast e, ji ber ku pêlên rev û penaberiyê ji deverên wê hîn berdewam in, û bimilyonan kes red dikin ku vegerin wan deveran, tevî şert û mercên dijwar ên ku li penaberiyê têde dijîn.
Û Rehmê tekez kir ku çareserî bi kartêkerkirina proseya siyasî di riya cîbicîkirina biryarên navdewletî re ye, û di pêşî de daxwiyaniya Cinêvê û biryarên 2118 û 2254, ji bo ku bigihêje veguheztineke siyasî ya ku jîngeheke ewle û aram li welêt dabîn bike, û rê bide vegera penaberan bi awayekî aram û ji ber xwe ve.
Jêder: Ofîsa Ragihandinê ya Hevbendiya Niştimanî ya Sûrî
