E’ndan Rehmûn, endamê desteya siyasî ya Hevbendiya Niştimanî ya Hêzên Şoreş û Rikberiya Sûriyê, tawanên şer yên li ser destên hêzên dagîrker yên Rûsiya li Idlib û Helebê dibin şermezar kirin, û bêdengiya civaka navdewletî bi hevpariya wan tawanan pesind kir.
Rehmûn tekez kir ku Rûsiya li ber çavê civaka navdewletî, Sûriya û xelkê wê kiriye meydana taqîkirin û rahênanê ji çek û artêşa xwe re, bêyî tevgereke kara ji aliyê encûmena ewlekariyiê û civaka navdewletî ve li hember tawanên şer yên dibin bête kirin.
Rehmûn, daxwaz ji serkirdayetiya Rûsiya kir ku ji helwêst û siyaseta xwe ya li dijî gelê Sûriyê vegere, û herwiha dest ji kuştinê û bikaranîna terora dewletê di Sûriyê de berde.
Ku 21 hatin kuştin û di nav de zarok û jin hebûn û 50 kesên din hatin birîndar kirin, bi sedema êrîşên firokên Rûsiya û rêjîma Esed bi mûşekên deng li ser taxên Idlibê, herwiha li bajarê Erîha 5 sivîl hatin kuştin û 3 din hatin birîndarkirin ji ber êrîşên firokên Rûsiya û barandina mûşekên deng, û li Mi’ret elni’man 6 sivîl û zarokek hatin kuştin bi heman mûşekên deng, û 4 sivîl hatin kuştin, bi sedema êrîşên firokên rêjîma Esed li ser Mi’ret Misrîn.
Û duhî li bajarokê Orom Elkubira li gundewarê Helebê kuştarek ji aliyê firokên dagîrkariya Rûsiya hat pêkanîn, û têde 11 sivîl hatin kuştin û 30 hatin birîndar kirin, bi sedema armanckirina taxên nişteciyan û di nav de peymangeha Ebdulezîz ya pizîşkî bi mûşekên deng.
Herwiha duhî hilîkopterên rêjîmê taxa Elzibdiyê li Helebê bi bermîlên teqîner yên bi gaza kilora jehrîn bombebaran kirin û têde dayîkek û du zarokên xwe hatin kuştin.
Jêder:Hevbendî
