Rêjîma Esed doh dîsa êrîş bi kwîzên teqîner û topên giran û mûşekan dane ser niştecihên taxa Elwe’ir li bajarê Humsê, û di encamê de 6 kes şehîd ketine û bi dehan birîndar bûne. Hevbendiya Niştimanî ya Hêzên Şoreşê û Rikberiya Sûriyê dibîne ko rêjîma Esed li gora planeke rêbazkirî diçe ji bo koçberkirina niştecihan bi amanca guhertina dîmugrafî tako xak bi awayekî mezhebî dabeş bibe.
Çalakvanan gotin ko bombebarana rêjîmê li ser taxê çend avahî bi tekûzî wêran kirine, digel wisa jî hêzên Esed nehiştin ko birîndar ji bo çareserkirinê ji taxê derkevin piştî ko Rêkxistina Xaça sor ji rêjîmê xwest ku wan derxîne.
Çalakvanan bi sedema berdewamiya bombebaranê ji ber derbên top û tangan ji xelkên taxê daxwaz kirin ko dibistanên taxê û pirojeyên fêrkirinê heta îro duşembê rawestînin, û ji cihên vekirî li ber dûrbînavêjên rêjîmê û ji cihên komcivînan dûr bikevin.
Hevbendiya Niştimanî ya Hêzên Şoreşê û Rikberiya Sûriyê di demeke berê de tekez kir ev êrîşên tawankarî yên pirotestokirî, tucaran nikarin bandorê li viyana miletê Sûrî bikin, tev li wêranî û kuştina ko dikin. Hevbendiyê hişyarî da ji berdewamiya bêdengiyê li ser tawankariyên rêjîmê û Rûsya di derheqê sivîlan de, û daxwaz ji Yekîtiya Ewropî û Emerîka û dewletên piştgiriya miletê Sûrî dikin kir, ko van tawankariyan yekser rawestînin û sînorekî ji rêjîma Esed û Rûsya re deynin, û kirdeyên kuştin û wêranî û koçberkirinê nehêlin.
Jêder: Nivîsgeha Ragihandinê ya Hevbendiya Niştimanî
