Hevbendiya Niştimanî ya hêzên şoreş û rikberiya Sûriyê binpêkirin û karên tundutîjiyê yên milîsên “PYD” li dijî sivîlan şermezar kirin, û nemaze girtina jin û zarokan li bajarê Reqayê di çend rojên bûrî de.
Hevbendiya Niştimanî di Daxuyaniyekê de got ku xwenîşandan rastî gulebaranê hatin, û beşdar hatin girtin, û herwiha jin rastî lêdan û riswakirin û sûkatiyê hatin û rewşeke tepeserkirinê li ser sivîlan hat sepandin, û dest bi girtina çalakvanan kirin, û ev hemû beşek ji riftarên van milîsan in, yên kopîkirî ji hewldanên rejîma Esad ya stemkar ji bo tirsandina xelkê Sûriyê.
Hevbendiyê dubare şermezarkirina van binpêkirin û tawan û kiryarên revandin û windakirina bi zorê diyar kir, û piştgiriya tam ji gelê xwe re di bizava wî ya aştiyane li dijî van binpêkirinan û van milîsan piştrast kir.
Hevbendiyê bang li hemû aliyên civaka navnetewî kir ji bo şermezarkirina binpêkirinên ji aliyê van milîsan yên bi nav û pergalên cuda cuda dibin, û daxwaza pirotestokirina her cûre piştevanîya leşkerî û siyasî ya ji wan re dibe kir, û daxwaza kar ji bo rawestandina piştgiriya van milîsên terorîst kir, û her aliyekê piştgir bi berpirsyar dît li hember tawanên wan yên li dijî xelkê Sûriyê dibin.
Jêder: Ofîsa Ragihandina Hevbendiya Niştimanî
