Duhî li Niyoyorkê, şanda Hevbendiya Niştimanî bi serokayetiya Hadî Elbehra, hevdîtin ligel Daniyal Robiştayîn şanderê amerîkî yê taybet bo Sûriya û bi hin nûnerên wezereta derve ya amerîkî kirin, û di civînê de rewşa Sûriya, nemaze mijara hilmeta Hevpeymaniya navdewletî ya bi serkêşiya Amêrîka li dijî “DAIŞ”ê û girûpa Xurasan(rêxistina terorîst ya gefên mezin û rasterast pêktîne li ser Ewropa û Amerîka) di hin navçeyên Sûriya de hatin gengeşekirin. Herwiha li ser ragihandina nûnera rêjîmê li Netewên yekgirtî , şandeyê Amerîka her hemahebgiyek yan rêkeftinek bi rêjîma Esed re redkir, berovajî Amerîka hişiyarî daye rêjîma Esed ku:” Dema hêzên Esed li derbeyên Amerîka rêgiriyê bikin, wê gavê Amerîka wê sîstema bergiriya rêjîmê jinav bibe”. herwiha di hevdîtinê de çawaniya meşq û rahênana artêşa azad û alîkariyên serbazî hatin rojevê, û şanda hevbendiyê nêrîna xwe şirove kir derbarê babetên gengeşe li ser bûyîn û bi taybetî rewşa niha ya li Kobanê. Herwiha şanda Hevbendiyê ligel dostên Sûriya yê hevdîtin pêk anîn , û di wan hevdîtinan de serokê Hevbendiya Niştimanî ji ” nûnerên Amerîka û Birêtaniya û Firensa û Elmaniya û Italiya û Turkiya û Si´ûdiyê û Urdin û Mîrgehên Erebî û Qeter” daxwaza pêşkêşkirina alîkariyên mirovî yên bilez bo Sûriyan kir, û daxwaz rawestandina tawan û kuştarên rêjîma Esed û rêxistina DAIŞ ya terorîst kir, nemaze piştî rûdanên vê dawiyê yên li Sûriya bi giştî û li Kobanê bi taybetî. Herwiha şanda hevbendiyê hevdîtin bi wezîrên derve yên Ereban re yên amedebûyî li Netewên Yekgirtî kirin, û di wan hevdîtinan de tirajidiya Kobanê li ser maseya gotubêjan bû, tevlê hin doseyên din yên bala sûriyan dikişînin. Herwiha di hevdîtina şanda hevbendiyê ligel Can Asîliyborn wezîrê derve yê Loksomborg , rewşa Sûriyê û pêşelkariyên rêjîma Esed û pêwîstiya pêşkêşkirina alîkariyan bo awere û koçberên Kobanê hat gengeşekirin. Herwiha şanda hevbendiyê kom bû ligel Filîb Halmond wezîrê derve yê Birêtaniya û paşî ligel Firnsiwa Serokê Firensa û Loran fabyos wezîrê derve yê Firensa û ku têde Firensiyan amadebûna Firensa destnîşan kirin bo meşqa artêşa azad û pêşkêşkirina çekan bo “rikaberiya miyanrê”. Herwiha tê çaverêkirin ku li êvariya îro Hadî Elbehra serokê Hevbendiyê li Niyoyorkê wê gotarekê pêkêş bike, û têde helwêsta hevbendiyê derbarê êrîşên Hevpeymaniyê destnîşan bike, wek tê zanîn ku hevbendiya Niştimanî daxwaz ji civaka navdewletî kiribû ku alîkariya artêşa azad bikin di dijberiya rêxistina DAIŞ û herwiha ya li hember rêjîma Esed, bi mercê ku navçeyên nişteciyan û sivîlan ji armanckirinê bêne dûrxistin, û xemginiya xwe derbarê şehîd bûna hin welatiyên sivîl di vê hilmetê de ragihand”.
(jêder: Hevbendî).
