Şanda hêzên leşkerî li Astana tekez kir ku ew çi mijarên din ji bilî bicihkirina agirbestê bi awayekî yekser gengeşe nakin, û bal kişand ku hêjî Rijêm û milîsên Îranê berdewam in di binpêkirinan de li gundewarê Şamê û gundewarê Himus û Der’ayê.
Endamê şanda opozisyonê, Mamûn Hac Mûsa got ku “niha nabe hîç mijarê gengeşe bikin heta agirbest yekser bicih nebe”, û behsa şanda rêjîmê kir û got ku ew “derwan dike, û kesên amade dixapînin”, û tekez kir ku “nameya opozisyonê xuya ye, û got ku em hîç derbasî babetekî ji derveyî agirbestê nabin, nemaze mijara agirbestê li Wadî Bereda û Elmiheca (rojava) û Xûta, û taxa Elwe’ir (li hindur Himusê), û navçeyên din”.
Û duhî nêzîkî 20 binpêkirinan ji aliyê hêzên Rijêmê û çeteyên Îranê li tevahiya Sûriyê hatin pêkanîn, û têde 9 kes şehîd ketin, zarok jî di nav wan de hebûn.
Hac Mûsa bal kişand ku opizisyon “niha guherîna Rûsiya taqî dike, ku berê aliyekî dijmin bû niha dibe aliyekî gerantor, û gelo wê karibe Rijêmê û Îranê û milîsên wan neçar bike bi agirbestê”, û got: “heta niha nehatiye piştrastkirin ku (Rûsiya) wê bikaribe Rijêmê û çeteyên Îranê kontrol bike, û wê îro Îran vexwendiye wek aliyekî negerantor, ji bo neçarkirina wê bi rêkeftina agirbestê ji ber ku (Rûsiya) nikare milîsên Îranê kontrol bike”.
Jêder: Nivîsîngeha Ragihandinê ya Hevbendiya Niştimaniya Sûriyê/ Anadol
