Şanda opozisyona Sûriyê ya bi serokayetiya rêxerê giştî yê desteya bilind ya danustandinan Riyad Hicab û Serokê Hevbendiya Niştimanî ya hêzên şoreş û rikberiya Sûriyê Enes Ele’bide û şanda bi wan re, serdana xwe ya bo Amerîka qut kirin, ji ber zêdebûna êrîşên leşkerî û şerê qirkirinê yê ji aliyê rêjîma Esed û Rûsiya li ser Helebê dibe, ku têde bi sedan hatine şehîdkirin û piraniya wan jin û zarok in.
Her wek tê zanîn ku şanda opozisyênê gelek hevdîtin bi çend serok û wezîrên dewletan re di heyamê çend rojên bûrî de kirin, û di wan hevdîtinan de zêdetirkirina oparisyonên leşkerî yên Rûsiya û rêjîma Esed li dijî gelê Sûriyê hatin şermezarkirin.
Herwiha şanda navhatî falincbûn û bêkêriya navdewletî li hember tawan û kuştarên hovane yên ji aliyê Rûsiya û Îranê û Rêjîmê li dijî sivîlên Sûriyê dibin şermezar kir, û Hicab di daxuyaniyekê de bal kişand ku “dîtir nabe berdewamî bi siyaseta razîkirina kujeran bi behaneya dijberiya terorê bête kirin, ji ber ku xwetewandina ji mercên bikujan re û dabînkirina hêminayê ji wan re berovajî soznameya NY ye”.
Hicab dîsa got: “dem hatiye bo civaka navdewletî û NY bo dubare-vegerandina baweriya bi civaka navdewletî ya li rex mirovê Sûriyê nema ye, û ketiye wê baweiyê de ku nirxê mirov di yasa navdewletî de, êdî tenê bi regez û nasnameya wî tê destnîşankirn”.
Jêder: Hevbendî
