Şandek ji Hevbendiya Niştimanî ya Sûrî bi Serokatiya D. Nesir Elherîrî, serdana baregehên Artêşa Niştimanî ya sûrî, Serkirdayetiya Eniya Niştimanî ya Rzigariyê li gundewarê Helebê kir, û hevdîtin bi girûpek ji serkirdeyên leşkerî re lidar xist, û bi wan re dawîtirîn pêşhatên meydanî û siyasî û rewşa artêşê û pilana pêşvebirina wê gengeşe kirin.
Û di hevdîtnê de emîndarê giştî Abdulbasit Abdulletîf û Sekretêrê Desteya Siyasî, Riyad Elhesen û Endamên Desteya Siyasî Ebdellah Gedo, Behcet Etasî, Yasir Ferhan, Her Weha Endamên Desteya Giştî Ebdilîlah Fehid, Ednan Elrehmon, Necîb Rehmon, Zekeriya Melahifcî û Hevrêzkarê Ofîsa Hevbendiya Niştimanî li Gundewarê Helebê, Ehmed Elşihadî, amade bûn.
Û amadebûyan rewşa meydanî û gurkirina leşkerî yaku rijêm û piştgirên wê dijî deverên rizgarkirî pê radibin berçav kirin, û tekez kirin ku hewildanin bi mebest hene ku rêkeftina agirbestê yaku di adara bûrî de hatiye îmzekirin têk bibin.
Û Serokê Hevbendiya Nitimanî şiroveyek li ser pêşketinên pirosesa siyasî pêşkêş kir, û bal kişand ser ku ti pêşketin ne di çarçoveya pirosesa danûsdandinê li ser bingeha biryara 2254 bi giştî û ne jî li ser asta karên Komîteya Destûrî ya Sûrî de çênebûye, û tekez kir ku rijêm hîn di rêbaza xwe ya xwîndar de û bipaşxistina pirosesa siyasî de berdewam e, daku wê ji naveroka wê bixîne.
Û kesên amade li ser xebatên di warê rahênan û pêşxistinên di karta leşkerî de têne kirin axivîn, û pirojeya avakirina kolîjeke leşkerî gengeşe kirin, her weha danîna mîkanîzma pêşxistina Artêşa Niştimanî ya Sûrî her weha mîkanîzma bilindkirina pileyên efseran.
Jêder: Ofîsa Ragihandinê ya Hevbendiya Niştimanî ya Sûrî
