Giropa Kar ya Filistîniyên Sûriyê, daxwaza vekirina lêkolîneke navdewletî kir derbarê rewşên ku bûne sedema mirina 78 koçberan, 8 ji wan penaberên filistîniyên Sûrî ne, li beravên Yonanistanê, û eşkerekirina çarenivîsa bi sedan koçberên ku di bûyerê de winda bûne.
Û Girûpê di daxwiyaniyeke xwe de got ku ev tirajîdiya ne ya yekem e ji vê cureyê, û dê ne ya dawî be jî, û bal kişand ser ku civaka navdewletî nikare rê li pêş derbasbûna karwanên koçberan bi rêya bejahî û deryayî bigire, eger ku sedemên bingehîn ên li paş kiryarên wan ên ku dihêlin ku rêyên koçberiyê yên ne rewa hilbijêrin, û got ku her çareseriyek berevajî wê dê tirajîdiyê mezin bike, û derdeseriyan zêde bike.
Û Daxwyaniya Girûpa Kar anî ziman ku penaberên filistînî yên li Sûriyê hîna derbasbûna wan bo hundirê piraniya dewletên cîhanê qedexe ye, û tenê di bin şert û mercên pir xerab de dikarin rêwîtiyê bikin, ev yek jî binpêkirineke eşkere ye ji mafên bingehîn ên ku di Daxwiyaniya Cîhanî ya Mafên Mirovan de hatiye.
û Giropa Kar di daxwiyaniya xwe ya taybet bi roja Penaberan ya Cîhanî de, ji civaka navdewletî xwest ku berpirsiyariyên xwe yên derbarê penaxwazan hilgire, û beşdariyê di çareserkirina pirsgirêkên dibin sedema koçberiya neyasayî ya penaberan bike, her weha sedemên dihêlin ku penaber li keştiyên mirinê siwar bibin çareser bike.
Û Keştiya ku roja Çarşema bûrî li beravên Yonanistanê binav bibû, bisedan kes têde hebûn, 120 ji wan Sûrî bûn, ji bilî Filistînî, Misrî, Pakistanî û yên din, di dema ku keştî li hember nîvgiraveke Yonanistanê binav bibû, û li gorî çalakvanên Sûrî piraniya rêwiyên Sûrî ji başûrê welêt û bi taybet ji parêzgeha Deraayê bûn.
Jêder: Ofîsa Ragihandinê ya Hevbendiya Niştimanî ya Sûrî
