Hejmarek ji Sazî, deste û kesayetên Sûrî, piştî sotandina bazara Sarûjê, bangeke hevbeş arasteyî Saziya Netewên Yekbûyî ya Perwerde û Zanist û û Çandê (UNESCO) kirin, ji bo parastina avahiyên wek şûnwarên dîrokî tên nasîn li bajarê Şama kevin..
Û daxwiyaniya hevbeş rijêma Esed berpirsyar di ber pênc şewatên ku Şama kevin di sê salên dawîn de armanc kirine, dît, û bal kişand ser ku armanca rijêmê pêkanîna guhartina demografî li Şamê û wendakirina nasnameya Sûriyê ya şaristanî bo berjewendiya Îranê ye.
Û daxwiyaniyê daxwaza standina rêşûnên piratîk bo parastina gencîneyên kultûrî li Şama kevin ya ku di lîsteya kultûra cîhanî de ye kir, û bal kişand ser ku bajarê Şamê yê kevin di xebatên xola sêyemîn ya komîteya kultûra cîhanî li Qahîra paytexta Misrê di sala 1979an de derbasî lîsteya kultûrê cîhanî bûye.
Û Hevbendiya Niştimanî ya Sûrî berî bi demekê li ser zarê Endamê Desteya Siyasî Selîm Elxetîb, tekez kiribû ku tiştê hatiye serê bazara Sarûjê, di warê jinavbirina rêbazkirî ya nasnameya dîrokî ya Şamê de tê, û bal kişand ser ku ewê ku malan bi ser xwediyên wan de hilweşîne, dê jêre ne dijwar be ku bazara Sarûjê ya ku yek ji nîşanên naskirî yên bajarê Şamê ye bişewtîne.
Û Hevbendiya Niştimanî got ku zincîra şewitandinên bazarê û cihûwarên berçav ji berî zêdetir ji deh salan ve li pey hev de, nîşan e ku hin alî hene bimebest berçavtirîn cihên Paytexta Umewiyan armanc dikin, û bal kişand ser ku rijêma ku bûye sedema wêrankirina gundewarê bajêr û koçberkirin û awarekirina xelkên wî, dê jê nedûr be şewatan li cih û warên li bal wî cihê hestiyariya mezhebî ne, biafirîne.
Jêder: Ofîsa Ragihandinê ya Hevbendiya Niştimanî ya Sûrî
