Serokê Hevbendiya Niştimanî ya hêzên şoreş û rikberiya Sûriyê, Riyad Sêf dît ku opozisyona Sûriyê hevdeng e li ser çûna Bişar Esed, û diyar kir ku kongirê Riyaz yê çavrêkirî, wê bibe fakterê bihêzbûna helwesta opozisyonê di danustandinên dahatî yên Cinêvê de.
Sêf di çavpêketinekê de ji ajansa Anadol re diyar kir ku wê di civîna opozisyona Sûriyê de li heftiya bê li Si’ûdiyê li Riyaza paytext wê “karê desteya bilind ya danustandinan ê dema borî bête nirxandin, û herwiha wê careke din li mîkanizmên danustandinê bête nerîn”.
Sêf cext kir ku wê ” hîç guhertinek di helwesta ji çûna Esed de nebe, û ku piraniya beşdarên kongir piştgiriya helwesta hevbendiyê li hember vê yekê dikin”, û tekez kir ku kongir “wê serbikeve ji bo dirustkirina lênêrîneka zelal ya opozisyonê”.
Û zêde kir û got: ” armanca me bi carekî ji bo bidawîkirina hikumraniya stemkariyê û avakirina dewleta yasa û dadperweriyê ye, û her aliyê beşdar be ligel me, em ê destê alîkariyê bo wî dirêj bikin”.
Serokê Hevbendiyê nîgeraniya xwe li hember kospkirina danustandinan xuya kir, û got: “her ji 4 salan ve danustandin di navbera me û NY dibin, û Rijêmê heta îro amadebûna xwe ji bo çareseriya siyasî diyar nekiriye”.
Û zêde kir û got: ” heger rewş weha berdewam bibe, hîç mifa ji danustandin û kongiran nîne “, û got: “em beşdar dibin da ku opozisyon yekrêz be, ne ji bo berhemhêna opozisyoneke çêkirî, yan ya pabend nebe bi berjewendiya gelê Sûriyê”.
Û derbarê helwesta Hevbendiyê ji kongirê Sotçî, yê bi gazîkirina Rûsiya , Sêf got: “Hevbendî bi carekî kongirê Sotçî red dike, ji ber ku hîç bihane nîne ji bo bestina wê, û heger Rûs bixwazin piştgiriya çareseriya siyasî bikin, dikarin fişaran li Rijêmê bikin ji bo beşdariyê di danustandinên Cinêvê de bike”.
Sêf derbarî bangewaziyên hin dewlet û aliyan yên dibêjin ku pêwîst e opozisyon “aqlane û riyalîst be”di serderiya ligel guhertinên navdewletî de, û got: ” li vê dawiyê em van herdu gotinan dibihîzin, aqlane û riyalîst , û heger ligor aqil û riyalîstiyê be, di pêşiyê de pêwîst e ji wî tawankarî re bêjin êdî bese û ew bête dagehkirin, li ser tawanên wî û koçberkirin û bikaranîna çekê kêmyayî li dijî gel, ku ew bi sercem tawanan hatiye gunehbarkirin”.
Dîsa got: “gelo aqilmendek heye bêje ku mafê Esed heye bibe serokê milet dijî hez û vîna milet, û hin ji dewletan palpiştin bo tepeserkirina vî miletî, û heger her tawankarek bête xelatkirin ji bo xweparastina ji ziyanên wî, li wê demê wê ev yek bibe hander bo karê kuştin û şerxwaziyê, ku li vir hîç riyalîstî nayê pesendkirin, û hîç riyalîstiyek weha nîne”.
Sêf sersomaniya xwe nîşan da li hember ku ” doza Sûrî li hindav girêka Esed radiweste, hebe yan nebe di qonaxa veguhêz de?”, û tekez kir ku pêwîst e cîhan helwestek rewştî û mirovî û aqilmendî hebe, ku Bişar Esed bi dawî hatiye, û pêwîste dûrbikeve, û gelê Sûriyê kare çareseriyê peyda dike piştî çûna Esed.
Sêf, derbarê daxuyaniya hevbeş ya piştî hevdîtina herdu serokên Amerîka û Rûsiya li Vîtnamê li heftiya borî diyar kir ku herdu dewletên (Rûsiya û Amerîka) di daxuyaniyê de çi çareseriyek siyasî ya zelal pêşkêş nekirin, û got: “pêwîstiya me bi îradeyek navdewletî heye, û bi taybetî ji Rûsiya û Amerîka û em bi berjewendiyên wan têdigehin, lê di çarçovê erêkirina gelê Sûriyê de, rêkeftina wan li ser çareseriya siyasî yekemîn merc e û duwem merc, pêwîst e nîzîkî piransîpên gelê Sûriyê nebin”.
Sêf dît ku ” daxuyanî destkariyê dide Potîn bo dîtina çareseriyê, û yeqîn ku çareseriya Potîn dixwaze, ya dixwaze Esed bimîne û bikaribe bi yasayî berdewam be”.
Serokê Hevbendiyê xuya kir ku “navçeyên kêmkirina oparesyonên şer nakeve di xizmeta çareseriya siyasî de, li dema ku aliyê gerantor bi xwe bi firokan bombebaranê dike”, û bal kişand li ser bombebarankirina bajarê Atarib û kuştina bi dehan kesê wê ji berî çend rojan ji aliyê Rûsiya ku yek ji aliyê gerantor e, tevî êrîşên esmanî yên berdewam li ser Xûta rojhilat, herwiha Sêf cext kir ku çareseriya siyasî bi xwe ” pabendbûna bi daxuyaniya Cinêvê û bi biryarên encûmena ewlehiyê ye”.
Jêder: Ofîsa Ragihandina Hevbendiya Niştimanî
