Serokê Hevbendiya Niştimanî ya Sûrî Salim Elmislit, bi Şandeya Birêtanya An Sino û ya Firansa Brigitte Cormi re duh roja înê li Stanbolê civiya, û bi wan re hejmarek ji doseyên girîng ên derbarê Sûriyê û di pêşî de berdewamiya izolekieina rijêmê û kartêkerkirina dosya dadpirsînê li ser tawanên cengê û pêwîstiya piştgiriya veguhastina siyasî li Sûriyê gotûbêj kir.
Û di civatê de herdû Cîgirên Serok Ruba Hebûş û Ebdilehed Istêfo û Serokê Hevbeş ê Komîteya Destûrî Hadî Elbehra û endamê Desteya Siyasî Ebdellah Gedo amade bûn.
Û amadebûyan behsa pêşhatên siyasî û mirovî ên girêdayî dosya Sûriyê kirin, û Elmislit tekezî li ser pêwîstiya kartêkerkirina dadpirsîn û sizadanê ji bo vegerandina nafên qurbaniyên Sûrî, û pêwîstiya dûrneketina ji biryarên navdewletî nemaze biryarên 2118 û 2254 ji bo pêkanîna veguhastina siyasî û berdewamiya izolekieina rijêma Esed ji aliyê civaka navdewletî ve û sepandina sizayên zêdetir ên ku sembolên rijêma tawankar armanc dikin.
Û Şandeyê Hevbendiya Niştimanî diyar kir ku rijêma Esed berpisê sereke ye di ber afrandin û berdewamiya tirajîdiya mirovahî li Sûriyê de, û çi pêngava bo çareserkirina rewşa mirovî li Sûriyê bi giştî divê di pêşî de dest bi çareserkirina bingeha pirsgirêkê bike, ew jî berdewamiya hebûna rijêma Esed û hevalbendên wê di desthilatê de ye.
Û ji hêla xwe ve herdû şandeyên navdewletî tekezî li ser piştgiriya gelê Sûriyê di cenga wî ya ji bo azadiyê de û pêwîstiya berdewamiya derbaskirina alîkariyên mirovî bo deverên bakur rojavayê Sûriyê di riya dergehên sînorî re, û giringiya nûkirina biryara derbaskirinê bo saleka dî kirin, û herdû şandeyên navdewletî eşkere kirin ku riya bidawîanîna tirajîdiya gelê Sûriyê bi cîbicîkirina biryara 2254 e.
Û Serokê Hevbendiya Niştimanî ya Sûrî di destpêka vê mehê de, li Dewhayê, li gel D.Mihemed Elxelîyfê Wezîrê Dewletê di Wezareta Derve ya dewleta Qeterê de re civiya, û di hevdîtinê de pêşhatên rewşa Sûriyê gotûbêj kirin, û li ser rewşa siyasî û encamên Lûtkeya Erebî di xola wê de axivîn, û tekezî li ser rola Qeterê di doza gelê Sûriyê de kirin, û di hevdîtinê de nûnerê Hevbendiyê Bîlal Tirkiyê û sekreterê yekem Se’ed Barûd amade bûn.
Û Serokê Hevbendiyê bi balyozê Tirkiyê li Dewhayê Mistefa Kokso û balyozê Almanyayê D. Claudius Fischbach re civiya, herweha li gel D. Riyad Hijab û şêx Ehmed Muaz Elxetîb û şêx Ehmed Elseyasinê civiya.
Û Elmislit li Dewhayê, seredana Enstîtuya Dewhayê ya xwendinên bilind kir, her weha hevdîtin li gel Serokê Revenda Sûrî û endamên ofîsa cîbicîkar û kesayetiyên Sûrî li baregeha Balyozxaneya Sûriyê li Dewhayê pêk anîn.
Jêder: Ofîsa Ragihandinê ya Hevbendiya Niştimanî ya Sûrî
