Şandek ji Hevbendiya Niştimanî ya Sûrî bi Serokatiya Serokê Hevbendiyê Salim Elmislit, li gel Şandê Wezareta Derva ya Emrîka bi Serokatiya Şanderê Emrîkî bo Sûriyê Îsyan Goldirîş di Qunsulxaneya Emrîka li bajarê Stanbolê civiya, û pêre behsa pêşketinên rewşa meydanî û siyasî û êrîşa Rûsiya li ser Okranya û bandorên wê li ser doseya Sûriyê kir.
Û Şandê Hevbendiyê ji Cîgira Serokê Hevbendiyê Ruba Hebûş û Emîndarê Giştî Heysem Rehmê û Endamê Desteya Siyasî Ebdellah Gedo pêk dihat.
Û Serokê Hevbendiya Niştimanî li ser pêwîstiya ku hevalbendên gelê Sûriyê û di pêşî de Emrîka bi çavekî nû li stratîciya xwe li Sûriyê binerin, û tekez kir ku sistbûna rûbirûbûna tawanên Botîn li Sûriyê hişt ku zêdegaviyan bike û êrîşa xwe bibe ser dewletek endam di Netewên Yekbûyî de.
Û Elmislit tekez kir ku êdî derfet ji bêdengiyê re li ser tawanên ku Rûsiya li cîhanê dike nemaye, û ji Emrîka û hevalbendên wê îro ji çi demê bêhtir tê xwestin ku pilaneke hevbeş deyînin, daku binpêkirinên Rûsiya ji yasa û pirensîpên navdewletî re rawestînin.
Û Elmislit bal kişand ser pêwîstiya piştgiriya daxwaza Hevbendiya Niştimanî li Netewên Yekbûyî derbarê hilanîna rewaya navdewletî ji ser rijêma Esed û qewitandina nûnerê wê ji saziya navdewletî, û kursiya Sûriyê bidin Hevbendiya Niştimanî ji ber ku nûnerê gelê Sûriyê yê rewa ye, di dema ku rijêma Esed niha tenê tiştê ku Botîn jê dixwaze cîbicî dike, û kursiya Sûriyê bo xwastekên tawanbarî yên rijêmê û Rûsiya tenê bikar tîne.
Û Elmislit spasiya Emrîka kir li ser mêvandariya wê ji hevdîtina nûnerên dewletên dost û birayên gelê Sûriyê re roja îna bûrî li Waşintin, û tekez kir ku ew nameyeke erênî bû ji Sûriyan re, tevî mijûlbûna cîhanê bi êrîşa Rûsiya li ser Okranya.
Û Elmislit cext kir ku Hevbendiya Niştimanî pabendiyê bi çareya siyasî li gorî daxwiyaniya Cinêvê û biryarên navdewletî yên têkildar û di pêşî de herdû biryarên 2118 û 2254 dike, û got ku pirojeya Şanderê Navdewletî Geir Otto Pedersen Gav bi Gavê ne zelal e, û weke derketinê ye ji rêya cîbicîkirina biryara 2254.
Û Elmislit daxwaza piştgiriya karê Hikûmeta Sûrî ya Demkî li deverên rizgarkirî û bihêzkirina wê kir, û bal kişand ser rewşa mirovahî ya dijwar li deverên di bin kontirola rijêmê de, ji ber belavbûna gendeliyê û destdanîna ser tevaya avahiyan ji hêla çete û milîsan ve.
Û li ser rewşa mirovahî ya dijwar li herdû deverên Girê Sipî li gundewarê Reqayê û Serê Kaniyê li gundewarê Hesekê axivî, û daxwaza vekirina rê li pêşiya saziyên mirovahî kir, daku bighêjin wan deveran û alîkariyê bo hewcedaran pêşkêş bikin.
Û Elmislit tekezî li ser karê cidî ji bo serbestberdana girtiyan û diyarkirina çarenûsa binçavkiriyên bi kotekî kir, nemaze girtiyên jin, bi taybetî ku ew hevdîtin hevdem bû bi bîranîna Roja Jinê ya Cîhanî re.
Ji aliyê xwe ve Şanderê Emrîkî tekezî li ser berdewamiya piştgiriya welatê xwe ji daxwazên gelê Sûriyê re li gorî biryara 2254 kir, û ku welatê wî bi awayekî tam pabendiyê bi sizayên ku li ser rijêma Esed û hevalbendên wê hatine sepandin dike, û jê venagere.
Û li ser encamên Hevdîtina ku li Waşiton çêbûye axivî, û Goldirîş bal kişand ser ku Waşinton miqateye ku gera dahatî ya Komîteya Destûrî li Cinêvê bi heman encamên bêhêvî yên ku gera derbasbûyî gihîştiyê bidawî nebe.
Û bal kişand ser ku cîhan bi kêşeya Okranya yaku hîn di destpêkê de ye mijûl e, û tekez kir ku dê bandorên wê kêşeyê li ser rewşa Sûriyê hebin.
Jêder: Ofîsa Ragihandinê ya Hevbendiya Niştimanî ya Sûrî
